• Balıq piroqu resepti - FOTO RESEPT

Reseptin məlumatları Baxış sayı: 16043

Tarix : 15.10.2014, 20:00

Bölmə : Balıq yeməkləri, Xəmir işləri, Foto reseptlər

Mətbəx : Yoxdu

Hazırlanma vaxtı : Yox

Nəfər sayı : Yox




Tərkibi:
1 kq hazır mayalı xəmir (yaxud un, maya, duz, 1 ç.q. şəkər tozu, 1 x.q. bitki yağı, sudan hazırlanmış)

İç üçün:
tıxsız balıq filesi
qara istiot
duz
bitki yağı (balığı qızartmaq üçün)
baş soğan
kərə yağı (soğanı qızartmaq üçün)
3 bişmiş yumurta
bərk pendir (sürtgəcdən keçirilmiş)
1 yumurtanın sarısı

Hazırlanması:
Fileni doğrayın, duzlayıb-istiotlayıb azacıq bitki yağında tam qızardın. Soğanı xırda doğrayıb kərə yağında qovurun. Bişmiş yumurtaları halqa doğrayın.

Xəmir yoğurmaq üçün 15 q mayanı ilıq suda həll edin, içinə 1 ç.q. şəkər tozu əlavə edin. 15 dəqiqə saxlayın. Sonra 1 x.q. bitki yağı, un, duz əlavə edib yumşaq, elastik xəmir yoğurun. 2 saat isti yerdə saxlayın.

Gəlmiş xəmiri yayın. Oxlova dolayıb perqamentin üstünə qoyun (sonra piroqu siniyə yerləşdirəndə asan olsun deyə). Dördbucaqlı formasında kəsin. Xəmirin artıqlarını bir kənara qoyun, gərəyiniz olacaq.
Balıq piroqu resepti - FOTO RESEPT


Xəmirin ortasına iç qoyun:birinci qızardılmış balığı, sonra qovrulmuş soğanı, sonra isə sürtgəcdən keçirilmiş pendiri. İç "baş"ın və "quyruğ"un yarısının da içini doldurmalıdır.

Kənarlarını fiqurlu bıçaqla ortaya doğru 4 sm enində şəridlərə kəsin. Baş və quyruq hissəsinə isə dəyməyin (fotodakı kimi).
Balıq piroqu resepti - FOTO RESEPT


Şəridləri için üstünə hörün ("Timsah" piroqunda olduğu kimi). Baş tərəfini üçbucaq formasında qatlayın.

Quyruq tərəfini içinə pendir səpin, xəmiri üst-üstə qatlayın.
Balıq piroqu resepti - FOTO RESEPT


Xəmirdən borucuqlar düzəldib halqa formasına salın, içinə yumru istiot dənəsi qoyun. Boyun hissəsində yarıq əmələ gəlibsə, oraya da xəmirdən pulcuqlar kəsib yapışdırın. Üçbucaq xəmir parçalarından üzgəc düzəldin.

"Balığ"ın üstünə yumurta sarısı çəkib 200 dərəcə qızdırılmış sobada 20-25 dəqiqə bişirin.
Balıq piroqu resepti - FOTO RESEPT


(İçi ürəyiniz istəyən digər ərzaqlardan da hazırlaya bilərsiniz).
Balıq piroqu resepti - FOTO RESEPT

Balıq piroqu resepti - FOTO RESEPT

Balıq piroqu resepti - FOTO RESEPT


Nuş olsun!
Etiketlər: bitki, qoyun, içinə, sonra, üstünə, xəmir, əlavə, halqa, yağında, sarısı, doğrayın, dəqiqə, saxlayın, olsun, qatlayın, kəsin, keçirilmiş, xəmiri, tərəfini, formasında
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
  • İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
BİZİ İZLƏYİN