Tərkibi:
Xəmir üçün:
4 st un
1 ç.q. duz
apardığıı qədər su

İç üçün:
500 q kartof
200 q qiymə
1 baş soğan
1 x.q. kərə yağı
1 dəstə reyhan (təzə olmasa, qurusu)

Əlavə:
2-3 x.q. kərə yağı

Üzərinə:
1 yumurta
xaş-xaş

Hazırlanması:
Un, duz və sudan xəmir yoğurun. 2-3 kündə tutub sellofan torbaya qoyun. 15 dəqiqə saxlayın.

Kartofu yuyub təmizləyib doğrayın, suda bişirin, püre hazırlayın.

Qiyməni ağzı bağlı tavada bişirin. Öz suyu çəkiləndən sonra 0,5 st. su əlavə edib yenə də ağzıbağlı tavada bişirin, suyu quruyanda kərə yağı, doğranmış soğan əlavə edib qovurun, duz, istiot vurun.

Bir qədər soyudun. Doğranmış reyhan (təzəsi yoxdursa, qurusundan istifadə edə bilərsiniz) əlavə edib qarışdırın, püre ilə birləşdirin.

Kündəni yayın. Üzərinə ərinmiş kərə yağı çəkin. Qıraqlarında boş yer saxlamaqla iç qoyun.

Şəkildə gördüyünüz qaydada kənarlardan ortaya doğru bükün.

Ruletlər "üz-üzə" gəlib çatanda bıçaqla ortadan kəsib bir tərəfini ayırın (bir uzun rulet alınacaq).

Sinini yağlayın. Ruleti qıraqlardan ortaya doğru spiral şəklində düzün. (Bir rulet bir sinini doldurmursa, digər kündələri də eyni qaydada hazırlayıb davamlı olaraq piroqu düzüb bitirin).

Üzərinə çalınmış yumurta çəkib xaş-xaş səpin.

180 dərəcə qızdırılmış sobada üzəri qızarıncayadək bişirin.


Nuş olsun!

---

Etiketlər: bişirin, əlavə, Üzərinə, doğru, reyhan, qoyun, tavada, rulet, ortaya, yumurta, qədər, qaydada, soğan, ayırın, tərəfini, gördüyünüz, Şəkildə, çəkin, Sinini, alınacaq