Tərkibi:1 litr süd
2 xörək qaşığı şəkər
3 yumurta
4 xörək qaşığı duru yağ
1 çimdik duz
400 qram un
1 çay qaşığı çay sodası
Krem:
1 banka bişmiş süd
30 qram kərə yağ
100 qram xama
Hazırlanması:Yumurtanı şəkər və duz ilə ağaranadək mikserlə çalın. Südü əlavə edin, qarışdırın və hissə-hissə unu əlavə edin. Sonda duru yağ və sodanı əlavə edin və kənara qoyun ki, özünü tutsun. Bu müddətdə kremi hazırlayın. Bunun üçün bişmiş südlə kərə yağını mikserlə çalın və xamanı əlavə edib qarışdırın. Kremi soyuducuya qoyun. Bliniləri hazırlamaq üçün tavanı odda isidin, duru yağ ilə yağlayın. Bir qaşıq xəmirdən tavaya tökün yayın və iki tərəfli bişirin. Bu qayda ilə bliniləri hazırlayın. Kremi soyuducudan götürün və bliniləri kremləyib üst-üstə düzün. Öz zövqünüzə görə bəzəyə bilərsiniz.
Nuş olsun!
Etiketlər: əlavə, qaşığı, qarışdırın, çalın, hissə, bliniləri, qoyun, hazırlayın, mikserlə, xörək, şəkər, bişmiş, Kremi, xəmirdən, tökün, isidin, yağlayın, yayın, tavaya, qaşıq