Artıq əksər evlərdə qış tədarükü görülüb, banka-banka mürəbbələr, bağlamalar yeyilməsi üçün sıraya düzülüb. Amma gəlin min bir əziyyətlə hazırladığımız bankaları sadəcə bağlayıb, bir kənarda gizlətməyək. Onları çox sadə dekor etməklə adi mürəbbə bankası deyil, dizayn üçün lazım olan əşyaya çevirə bilərsiniz.

Belə ki, xarici mətbəxlərdə bəzəkli mürəbbə bankaları cərgə ilə rəflərə düzülür, mətbəxə xüsusi dekor və gözəllik verir. Qışda da əl at götür və aç.
Bəs onlara necə gözəllik verək, soruşursunuzsa, deyək ki, çox sadə! Bankanın üzərinə mürəbbənin adını və ya hər hansı xoş sözlər yazdığınız bəzəkli kağız yapışdıra, qapağına istədiyiniz parçadan və ya qəzet-jurnal kağızı kəsə, papaqcıq edə bilərsiniz. Müxtəlif sap, kəndir ilə bankaya bir qədər də gözəllik verə bilərsiniz. Baxanlar onun ev məhsulu deyil, hansısa şirniyyat firmasından aldığınızı düşünər.

Odur ki, əziz dostlar, fantaziyanızı işə salın. Sadə mürəbbə, şoraba bankalarından incəsənət əsərləri düzəldin!

---

Etiketlər: mətbəx mebelləri, mətbəx mebeli, mətbəx mebelləri və qiymətləri, mətbəx dizaynı, mətbəxt mebelləri, mətbəx stol stulları, mətbəx aksesuarları, mətbəx azərbaycan, mətbəx dizaynları, mətbəx divanları, mətbəx divar kağızları, mətbəx künc divanları