Qara çay dünyada və ölkəmizdə sudan sonra ən çox içilən içkidir. Bəs hamının hər gün sevərək içdiyi qara çayın faydalarını bilirsinizmi? Məqaləmizə nəzər salaraq qara çayın faydalarının nələr olduğunu öyrənin.

1. Daha yaxşı işləyən ürək
Aparılan araşdırmalar nəticəsində gündə 3-4 fincan qara çay içənlərdə ürək tutma riskinin, gündə 1 fincan içənlərə görə 21 faiz azaldığı görülmüşdür. Hətta qara çayın infarkt riskini də 44 faiz azaltdığı və pis xolesterolun miqdarını 11 faiz aşağı saldığı təsdiq edilmişdir.

2. Xərçəngə qarşı qoruyur
Tədqiqatlar qara çay içərkən alınan polifenol və kateşinlərin bəzi xərçəng növlərinin yaranmasına qarşı qoruyucu təsirinin olduğunu göstərmişdir. Məsələn, gündə 2-3 fincan qara çay içən qadınlarda döş və yumurtalıq xərçəngi yaranmasının azaldığı görülmüşdür. Bundan əlavə qara çay ağciyər xərçəngi yaranması riskini də azaldır.

3. Sağlam sümüklər
Mütəmadi istifadə nəticəsində qara çayda olan fitokimyəvi maddələr sümüklərin daha möhkəm və sağlam olmasını təmin edir, osteoporoz və artrit olma riskini azaldır.

4. Diabet riskini azaldır
Yaşlı insanlar üzərində aparılan araşdırmalar nəticəsində gündə davamlı olaraq 1-2 fincan qara çay içilməsinin Tip 2 diabet növünün yaranmasını 70 faiz azaltdığı görülmüşdür.

5. Yağları əridir
Qara çayın istifadə edilməsi, xüsusilə qarın ətrafındakı yağlanmanı azaldır, bədəndəki yağların əridilməsinə və çəki itirməyə kömək edir.

6. Stressi azaldır
Qara çayda olan "L-theanine" maddəsi insanı rahatladır. Gün ərzində 2-3 fincan qara çay içilməsi stress hormonu olan kortizolun miqdarının aşağı düşməsinə səbəb olur.

7. Güclü immun sistemi
Qara çay viruslarla mübarizə aparır, bu da immun sisteminizi qoruyur və güclənməsinə şərait yaradır.

8. Həzm sisteminin fəaliyyətini yaxşılaşdırır
Qara çayın tərkibində olan tanen maddəsi mədə və bağırsaq xəstəliklərinə yaxşı təsir göstərir və həzm sisteminin fəaliyyətinin yaxşılaşmasına kömək edir.

9. Enerjini artırır
Qara çayda olan aşağı miqdarda kafein qan dövranına kömək edərək, beynin funksiyalarını da gücləndirir.

---

Etiketlər: fincan, çayın, azaldır, riskini, gündə, nəticəsində, çayda, aşağı, görülmüşdür, kömək, azaldığı, yaxşı, xərçəngi, araşdırmalar, sisteminin, azaltdığı, olduğunu, maddəsi, qoruyur, istifadə