Tərkibi:
500 q ət
2 ç.q. duz
50-100 ml süd
1 yumurta
2 x.q. nişasta
1/3 ç.q. qara istiot
1/3 ç.q. muskat cevizi
1/3 ç.q. hil

Hazırlanması:
Əti ət maşınından keçirin. Buraya sarımsaq da əlavə edə bilərsiniz. 50 ml soyuq süd əlavə edib blenderdən keçirin.


Duz, yumurta, nişasta (qarğıdalı, yaxud kartof, olmasa, un), ədviyyat əlavə edin. Əgər qoyun əti deyil, mal ətindən hazırlayırsınızsa, o zaman südü bir az çox götürün. Qarışdırın. Farş nə çox qatı, nə çox duru olmalıdır.

Sonra ət bişirmək üçün plastik torbanın içinə qoyun, kolbasa forması verin. Torbanın artıq hissəsini kolbasanın üstünə bükün. Kolbasanı bir neçə yerdən iplə bağlayın.
İynəylə bir neçə yerdən deşin.
Sonra bunu folqaya bükün.


180 dərəcə qızdırılmış sobaya qoyun. 15 dəqiqə sonra temperaturu 150 dərəcəyədək azaldın. Daha 30 dəqiqədən sonra folqanı açıb 10 dəqiqə də bişirin (bu zaman sininin içinə azca su tökün). Hazır olana yaxın üstü qızaracaq. Hazır kolbasanı soyudun, doğrayın.


(Kolbasanın çəhrayı rəngdə alınması üçün ona 1 x.q. alkoqol (şərab, araq və ya konyak) əlavə edirlər).


Nuş olsun!

---

Etiketlər: əlavə, qoyun, zaman, yerdən, Sonra, içinə, bükün, dəqiqə, sonra, Hazır, nişasta, yumurta, keçirin, olsun, edirlər, dərəcəyədək, konyak, azaldın, temperaturu, sobaya