Tərkibi:200 q zəncəfil
200 ml su
400 q şəkər tozu (şərbət üçün)
əlavə şəkər tozu (şəkərləmə üçün)
Hazırlanması:Yaxşı olar ki, iri zəncəfil kökü alasınız. Çoxlu çıxıntıları olanları doğramaq çətin olur.
Zəncəfili təmizləyib 4-5 sm uzunluqlu nazik, 2-3 mm enində çubuqlara doğrayın.
20-30 dəqiqə, yumşalınca suda bişirin. Sonra bunları çıxarıb suyuna şəkər tozu tökün, qaynadın. Şərbət qaynayanda zəncəfili yenidən qazana qaytarın, 20-30 dəqiqə, zəncəfil şəffaflaşanadək bişirin.
Kəfkirin köməyi ilə az-az çıxarın, şirəsi qazana süzüldükdən sonra qaba tökülmüş şəkər tozunun üzərinə yığın, hərtərəfli şəkərə batırın, aralı düzün. 2 saat şəkər tozunun üzərində qurumasını gözləyin.
Ağzı hermetik bağlanan qabda saxlayın, yoxsa bərkiyər.
Yerdə qalan şərbəti müxtəlif şirniyyatın hazırlanmasında istifadə edə bilərsiniz - maffinə, blinçiklərə qata, sadəcə çaya əlavə edə bilərsiniz.
Nuş olsun!
Etiketlər: şəkər, zəncəfil, tozunun, bişirin, qazana, bilərsiniz, dəqiqə, əlavə, düzün, aralı, üzərində, gözləyin, batırın, qurumasını, üzərinə, sonra, süzüldükdən, tökülmüş, yığın, hərtərəfli