Üzdən "Raffaello"ya bənzəsə də, dadı tam başqadır. Ətri də gözəldir, dadı da.
Tərkibi:2 portağal
1 limon
100 ml su
150 q şəkər tozu
4 x.q. manna yarması
75 q keşyu
kokos yonqarı
Hazırlanması:Portağal və limonun sedrasını çıxarın, sonra isə şirəsini sıxın (təxminən 225 ml alınır).
Qalın dibli qazana su, şirə, sedra və şəkər tozunu tökün. Ocağın üstə qoyun. Qaynara düşəndən sonra 3 dəqiqə qaynadın. Dayanmadan qarışdıraraq nazik axınla manna yarmasını qaynayan şirəyə əlavə edin. Qarışdırmağı saxlamadan 5-7 dəqiqə də bişirin.
Şirə qatılaşacaq. Qazanı ocaqdan götürün. Bir az soyudun.
Bu müddətdə keşyunu blender və ya qəhvəüyüdəndə un halına gələnədək xırdalayın (içində qum kimi hissəciklər qalsa da, pis olmaz). Bunu əsas qarışığa əlavə edin.
Yaxşıca qarışdırın.
Sonra xırda-xırda qopararaq kündələyin, kokos yonqarına batırın (düzdür, əlinizə yapışacaq, amma dadına dəyər).
Təxminən 25 ədəd alınacaq. Süfrəyə tam soyuyandan sonra verin.
Nuş olsun!
Etiketlər: sonra, xırda, şəkər, manna, kokos, dəqiqə, əlavə, halına, gələnədək, xırdalayın, qalsa, hissəciklər, içində, qəhvəüyüdəndə, keşyunu, Qazanı, qatılaşacaq, bişirin, ocaqdan, götürün