• Varşava qəhvəsi resepti - FOTO RESEPT

Reseptin məlumatları Baxış sayı: 14 666

Tarix : 14-11-2014, 14:00

Bölmə : İçkilər / Foto reseptlər

Mətbəx : Avropa mətbəxi

Hazırlanma vaxtı : Yox

Nəfər sayı : Yox


Tərkibi:
1 ç.q. üyüdülmüş qəhvə (cəzvədə bişirmək üçün)
300 ml təzə süd
1 ç.q. şəkər tozu (artıq da ola bilər, zövqə görə)
üyüdülmüş darçın - bıçağın ucunda
vanilli şəkər - o da bıçağın ucunda, amma darçından az

Hazırlanması:
Cəzvəyə süd, şəkər tozu, darçın və vanil tökün. (Şəkər sevməyənlər bunsuz da bişirə bilərlər, həm süd şirin olur, həm darçın şirinlik verir).
Orta itilikli ocaqda bişirin. Qaynara düşənə yaxın üzərində köpük əmələ gələcək. Onu qaşıqla götürüb fincana qoya, yaxud sevmirsinizsə, ata bilərsiniz.

Cəzvəni ocaqdan götürün, qəhvəni az-az əlavə edə-edə durmadan qarışdırın. Yenidən ocağa qoyun. Köpüyü qalxanda götürüb kənara qoyun, köpüyünün yatmasını gözləyin. Qarışdırın. Yenidən orta itilikli ocağa qoyun, köpük yenidən qalxanda götürüb fincanlara süzün. Üzərinə darçın səpə bilərsiniz.

Belə qəhvəni səhərlər içmək məsləhətlidir, o, adamı gümrahlaşdırır, enerjisini artırır, əhvalını yüksəkldir.
Varşava qəhvəsi resepti - FOTO RESEPT

Varşava qəhvəsi resepti - FOTO RESEPT

Varşava qəhvəsi resepti - FOTO RESEPT

Varşava qəhvəsi resepti - FOTO RESEPT


Qeyd:

* Bunu südlü qəhvə sevməyənlərə təklif etsəniz, südlü olduğunu deməyin, inanın ki, heç ayırd etməyəcəklər. Amma daha bir fincan istəyəcəklərinə əmin olun.

* Əgər bu qəhvəni əsl, təzə süddən (belə desək, qutudakı deyil, kənd südü) hazırlasanız, o daha dadlı və faydalı olacaq.

* Əgər cəzvəniz yoxdursa, qəmlənməyin, bu qəhvəni adi tayqulpda, yaxud qazançada bişirə bilərsiniz, dadı və ətri itməyəcək.

Nuş olsun!
Etiketlər: qəhvəni, darçın, götürüb, bilərsiniz, qoyun, şəkər, bişirə, ocağa, yaxud, itilikli, Yenidən, köpük, bıçağın, qəhvə, üyüdülmüş, ucunda, südlü, qalxanda, artırır, yüksəkldir
BİZİ İZLƏYİN