• Elə bilirsiz ərzaqları düzgün saxlayırsız? Yumurtanın yeri soyuducu qapısı deyil!

Reseptin məlumatları Baxış sayı: 400

Tarix : 27.11.2018, 20:00

Bölmə : Məsləhətlər




Ən qənaətcil və evdar xanımlar belə, təəssüf ki, ərzaqları evdə və soyuducuda düzgün saxlamır. Ümümdünya Ərzaq mərkəzinin təxmini hesablamasına görə, hər il dünyada əhali tərəfindən 200 milyon ton xarab olmuş və istifadəyə yararsız ərzaq tullanılır.

Maaşımızın az qala 80% ni yeməyə, ərzağa xərclədiyimiz bir vaxtda bu qədər israfçılıq və tullantı nədən yaranır? Bəlkə soyuducumuz olsa da ərzaqları doğru saxlamırıq? Bu qədər özünüzə əminsizsə, əgər siz də əksəriyyət kimi, yumurtanı soyuducunun qapısındakı yerdə saxlayırsızsa, deməli, səhv edirsiz. Yumurtanın yeri əsla soyuducu qapısı deyil.

TƏZƏ GÖYƏRTİ VƏ SALAT YARPAQLARI
Yuyulmuş, qurudulmuş göyərti çay dəsmalı, təmiz parça və ya qəzetə bükülərək, ağzı kip bağlanan konteynerdə soyuducunun ən yuxarı gözündə saxlanmalıdır. Bu halda göyərtini azı 2 həftə təzə saxlamaq olur.

OLMAZ: salafan torbada və ya bir stəkan suda qoymaqla saxlamaq. Buz yerinə yaxın yerdə də göyərti keyfiyyətini itirəcək.

Yumurtanın yeri – soyuducunun orta rəfinin arxasıdır
Yumurtanı satıldığı kardon qabından ayırmayın. Çünki o material nəmi, qoxunu özünə çəkir. Yumurtanı elə bu konteynerdə soyuducunun orta rəfinə arxa hissəyə qoyun. Beləcə onun ömrünü üstündəki tarixdən daha 2 həftə çox uzada bilərsiz.

OLMAZ: Soyuducunun qapısında yumurtalar üçün yuvaları açmaq kimin ağlına gəlib, bilmirik, amma orda yumurta saxlamaq olmaz. Çünki qapı tez-tez açılır və isti soyuq hava axını yumurtaları vaxtından əvvəl sıradan çıxarır. Odur ki, yumurtalarınıza heyfiniz gəlsin.

POMİDORLAR
20 dərəcə temperaturda pomidorlar daha yaxşı və dadlı qalır. Soyuq və buz isə onları məhv edir. 10 dərəcə mənfi temperaturda pomidorun tərkibi hüceyrə səviyyəsində dağılır. Yəni pomidordan əsər-əlamət qalmır.

OLMAZ: pomidoru digər tərəvəz və meyvələrdən uzaqda tutmaq. Çünki pomidorun səthindən çıxan uçan etilenlər ətrafdakı tərəvəzlərə pis təsir edir. Onları tez korlayır.

SÜD VƏ YOQURT
Süd və yoqurtu açdınızsa, onu soyuducunun ən soyuq küncünə yerləşdirin. Yoqurt isə 3-4 dərəcədə də yaxşı qalır.

OLMAZ: süd paketlərini soyuducunun qapısında saxlamaq. Burda isti hava axını çoxdur.

SOĞAN – SARIMSAQ
Qabıqlı halda isti, lakin qaranlıq yerdə bir-iki ay qala bilər.

OLMAZ: soyuducuda saxlamaq. Soyuq çürüməni aktivləşdirir. Kəsilmiş soğan-sarımsağı digər tərəvəzlərlə yanaşı qoymayın, yoxsa onlar dərhal xarab olmağa başlayacaq.

KARTOF – NƏFƏS ALMALIDIR
Kartof əsl mənada nəfəs alır, ona görə onu azadlıqda, qaranlıq, quru yerdə saxlamaq lazımdır. Qapalı halda tez cücərib, büzüşəcək.

OLMAZ: soyuducuya giriş kartofa qadağandır. Kartofda aktilamid var ki, soyuq havada toksiki zərərli maddəyə çevrilir. Əgər görsəniz ki, kartof yaşıl rəngə çalır, deməli o xəstələnib. Yemək olmaz.

Yağlar – qazdan uzaq
İstənilən yağı 3 aqressordan – hava, işıq və istidən uzaq tutun. Yağı tünd şüşə qabda, alınmırsa, şüşə qabı folqaya büküb şkafda saxlayın.

OLMAZ: əlinizin altında olsun deyə, soba və ya plitə yanında yağ saxlamayın. Yoxsa yağ acı tam verəcək.

UN VƏ YARMALAR
Düyü ən uzunömürlü qidalardandır. Yulaf isə 3-4 aya xarab olur. Ən yaxşı halda keramik və şüşə qabda saxlamaqdır.

OLMAZ: alınan qutusunda saxlamaq. Əgər evdə arzuolunmaz həşərat qonaqların peyda olmasını istəmirsizsə, onları qutudan qaba boşaldın.

HAZIR YEMƏK ARTIĞI
Yemək hazır olduqdan 2 saat sonra əgər yeyilmirsə, artıq soyuducuya qoymalısız.

OLMAZ: soyuducuda yemək 3 gündən artıq qalmamalıdır. Qaldısa, təəssüf ki, yeri mədəniz yox, zibil qabı olmalıdır.

Əgər bu vaxta kimi bu qaydaların əksinə edirdinizsə, bundan sonra vərdişinizi dəyişin. O zaman həm ərzaqlar uzun ömürlü olar.

süfrem.az

Etiketlər: OLMAZ, saxlamaq, soyuducunun, halda, yerdə, xarab, yaxşı, Çünki, soyuq, soyuducuda, qədər, qabda, qalır, Soyuq, onları, konteynerdə, axını, olmaz, göyərti, Yumurtanın
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəng seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoyler
BİZİ İZLƏYİN