Tərkibi:1250 q alma (1 kq qabıqsız və cecəsiz)
500 q şəkər tozu
20 q jeleləşdirən şəkər tozu*
Hazırlanması:Almaları yuyub qabığını soyun.
Dörd bölüb cecəsini çıxarın.
Əgər almalar çox iridirsə, daha xırda doğramaq olar.
Qabığı ilə cecəsini atmayın, təmiz cunanın içinə yığıb ağzını bağlayın.
Şəkər tozunu jeleləşdirən şəkər tozu ilə qarışdırın. Almanı qalın dibli qazana yığın, şəkər tozunu əlavə edin və içində qabıqla cecə olan cuna bağlamasını içinə qoyun.
Vam odda müntəzəm qarışdıraraq 15 dəqiqə bişirin. Alma yumşalacaq, bir hissəsi püre kimi olacaq, bir hissəsi isə xırda parçalar halında bütöv qalacaq - yəni əsl konfitür.
Cuna bağlamasını içindən çıxarın. Qaynar konfitürü qaynar, sterilizə edilmiş bankalara yığın, isti qapaqla bağlayın. Tam soyudun.
Soyuq yerdə 12 ay saxlaya bilərsiniz. Qapağını açdığınız konfitür bankasını soyuducuda saxlayın.
* Jeleləşdirən şəkər tozu - mürəbbə, cem, marmelad, konfitürün hazırlanması zamanı istifadə olunur. Onun kristalları iri olur, tez jeleləşdirməsi üçün pektin, həmçinin limon turşusu əlavə edilir. Əgər jeleləşdirən şəkər tozu tapmasanız, 1 kq alma üçün 500 q şəkər tozu götürün, bir limonun yarısının şirəsini əlavə edin və bişmə vaxtını iki dəfə artırın (yəni 30 dəqiqə bişirin).
Nuş olsun!
Etiketlər: şəkər, jeleləşdirən, əlavə, yığın, bağlamasını, bağlayın, içinə, bişirin, konfitür, hissəsi, xırda, dəqiqə, tozunu, cecəsini, çıxarın, bişmə, Qapağını, vaxtını, bankasını