• Marqarita (Pizza Margherita-Mozzarella) resepti

Reseptin məlumatları Baxış sayı: 28548

Tarix : 17.06.2016, 20:00

Bölmə : Pizza

Mətbəx : İtalyan mətbəxi

Hazırlanma vaxtı : 40-50

Nəfər sayı : 4-6


Tərkibi:
1 çay qaşığı quru maya,
1,5-2 stəkan un,
3/4 stəkan ilıq su,
1 çay qaşığı şəkər tozu,
1/2 çay qaşığı duz,
2 xörək qaşığı zeytun yağı,
4-5 ədəd pomidor,
2-3 diş sarımsaq,
130-150 q mosarella pendiri,
reyhan,
2 xörək qaşığı zeytun və ya bitki yağı,
duz və döyülmüş istiot.

Hazırlanması:
İlıq su, şəkər və mayanı yaxşıca qarışdırıb, 10-15 dəqiqə saxlayırıq.
Həmin qaba duz, zeytun yağı və ayırdığımız unun yarısını əlavə edib, qarışdırdıqdan sonra unun qalan hissəsini də xəmirə qatırıq.
Üstünə zeytun yağı çəkib təmiz dəsmala bükür və 1 saat isti yerdə saxlayırıq. Acıdıqdan sonra xəmiri üstdən sıxıb, yenidən 30 dəqiqə isti yerə qoyuruq.
Həmin müddət ərzində tomat sousu hazırlayırıq. Bunun üçün pomidorların qabığını soyub, kub şəklində doğrayırıq. Sarımsaq xırdalanır və qatılaşana kimi 20-40 dəqiqə ərzində yağda qızardırıq.
Sonra tavaya duz, isiot və bir çimdik şəkər əlavə edib, hamısını qovururuq. Mosarellanı ya sürtkəcdən keçirir, yaxud da kub şəklində doğrayırıq. Sonra acımış xəmiri iki hissəyə bölürük.
Çünki bu ərzaqlar iki pitsa üçün nəzərdə tutulub. Xəmirin bir hissəsini unlayıb, 3 mm qalınlığında yayırıq. Tavanı azca unlayıb açdığımız xəmiri içinə yerləşdiririk.
Üzərinə tomat sousu çəkib, üstündən reyhanın bir neçə yarpağını yerləşdirirk. Pitsa 250 dərəcədə 5-7 dəqiqə ərzində bişirilir.
Sonra xəmiri sobadan çıxarıb üzərinə mosarella əlavə edir və pendir tam əriyənə kimi yenidən bişiririk. Hazır olduqdan sonra pitsanı hissələrə ayırır, üstünü reyhanın yarpaqları ilə bəzəyir və isti vəziyyətdə süfrəyə veririrk.

Nuş olsun!


Etiketlər: qaşığı, zeytun, xəmiri, dəqiqə, sonra, əlavə, şəkər, ərzində, Sonra, saxlayırıq, unlayıb, Həmin, çəkib, yenidən, reyhanın, tomat, sousu, hissəsini, şəklində, stəkan
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
  • İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
BİZİ İZLƏYİN