Tərkibi:250 q kəsmik
1-2 pomidor
şüyüd - zövqə görə
sarımsaq - zövqə görə
nanə - zövqə görə
duz
istiot
1 x.q. mayonez və ya kərə yağı
qida plyonkası və ya folqa (ruleti bükmək üçün)
Hazırlanması:Sarımsağı əzin, nanəni çox xırda doğrayın.
Dərin ləyəndə kəsmik, nanə, sarımsaq, mayonez, duz-istiotu qarışdırın.
4-5 yarpaq nanə bəs edər: o, başqa ərzaqların ətrini öldürməməlidir.
Şüyüdü xırda doğrayın, pomidoru xırda kubik doğrayın - bunlar ruletin içi olacaq.
Masanın üzərinə qida plyonkası və ya folqa çəkin, kəsmik qarışığını bərabər qaydada yayıb hamarlayın. Şüyüd səpin. Ortadan pomidorları düzün.
Suşi necə bükülürsə, o qaydada da rulet kimi bükün. Çalışın, sıx olsun, içi tökülməsin.
Rületi bükəndən sonra plyonkanı və ya folqanı çıxarmadan soyuducuya qoyun. Formasını saxlamaq üçün o bir qədər donmalıdır.
Süfrəyə verməzdən əvvəl plyonka və ya folqanı açın, fal-fal doğrayın. Kahı yarpaqlarının üstünə qoya, nanə yarpaqları, çerri pomidoru, qızılgül kimi bükülmüş xiyar dilimləri ilə bəzəyə bilərsiniz.
Nuş olsun!
Etiketlər: doğrayın, xırda, kəsmik, zövqə, olsun, folqanı, pomidoru, folqa, qaydada, plyonkası, mayonez, sarımsaq, çıxarmadan, rulet, soyuducuya, qoyun, bükülürsə, plyonkanı, sonra, Rületi