Tərkibi:2-3 dəstə pərpətöyün
1 baş soğan
2-3 y.q. yağ
1-2 y.q. yumru düyü ( uzun olmaz, ancaq yumru )
3-4 dənə təzə alınça ( olmasa quru da olar, lavaşana, almuxara olar)
Yarım stakan su
Duz * yeməyin özünün dadı neytraldı , ona görə mütləq içinə bir turşməzə nəsə atılmalıdı, məs. alınça və s.
Hazırlanması:1. Düyünü yuyub, sonra 10 dəq suda saxlamaq.
Səbzini təmizləmək, qalın zolaqları kəsmək ( onları atmaq) , yumaq və doğramaq.
2. Soğanı xırda doğramaq və yağqa qovurnaq. Çox rəngi dəyişməsin. Düyünün suyunu süzmək, soğançaya əlavə etmək. 1 dəq ocağın üstündə qarışdırmaq.
3. Sonra yarım stakan su , doğranmış pərpətöyünü və alınçanı əlavə etmək ( alınçanı çəngəllə bir neçə yerdən deşmək)
Bir əl qarışdırmaq , qazanın qapağını yarımçıq örtmək və orta od üstündə 15-20 dəq bişirmək.
Arada bir dəfə yoxlmaq, görəcəksiz səbzi çoxlu su verib. Bir dəfə qarışdırmaq və yenə qapağı yarımçıq örtüb bişirmək.
Nəticədə smetan qatılığında yemək alınmalıdı , nə çox duru , nə çox qatı. Suyu tam yox , amma xeyli çəkilməlidi.
Bişəndən sonra səbzi xeyli senir , azalır , bunu unutmayın. Bişən kimi verin süfrəyə , yanında sarımsaqlı qatıq.
Nuş olsun!
Etiketlər: qarışdırmaq, üstündə, etmək, doğramaq, sonra, alınçanı, xeyli, səbzi, bişirmək, yarımçıq, stakan, əlavə, alınça, yumru, yoxlmaq, Arada, görəcəksiz, soğan, verib, çoxlu