• Vitaminlər və minerallarla zəngin qaraciyər

Reseptin məlumatları Baxış sayı: 12 027

Tarix : 23-03-2017, 19:00

Bölmə : Qidalanma qaydaları


Qara ciyərin müalicəvi xüsusiyyətləri qədim zamanlardan insanlara məlumdur.
Qədimdə təbiblər qara ciyəri zəiflənmiş, xəstə insanlara, tez-tez xəstələnən uşaqlara vermək tövsiyə edirdilər.
Müxtəlif vitaminlər və minerallarla zəngin olan qara ciyər əsl təbii vitamin-mineral kompleksidir. Məhz bu səbəbdən qara ciyər bir çox xəstəliklər zamanı müalicəvi qidalanmaya daxildir. Qara ciyər çox qiymətli müalicəvi və dietik məhsuldur.
Qara ciyərdə çoxlu sayda müxtəlif vitaminlər (A, C, B qrupu, E, K, PP, D) minerallar (kalsium, mis, maqnezium, fosfor, sink, xrom və s.) var. Qara ciyər orqanizm üçün əzvəzolunmaz olan bir çox aminturşularla zəngindir.
Qara ciyər dəmir defisitli anemiyanın ilk təbii müalicə vasitəsidir. Qara ciyər dəmirlə olduqca zəngindir, həm də bu dəmir qara ciyərdə orqanizm tərəfindən ən asan mənimsənilən formadadır. Beləliklə, qara ciyər anemiyadan əziyyət çəkən, hər hansı səbəbə görə qan itirmiş (cərrahi əməliyyat, travma, daxili qanaxma və s.) insan üçün çox faydalıdır.
Qara ciyər A vitamini ilə çox zəngindir. Bu vitamin gözlərimizin sağlamlığında böyük rol oynayır. Dahi Avisennanın A vitamini və onun orqanizmə olan təsiri haqda anlayışı, təbii ki, yox idi, lakin Avisenna görməsi zəif olan insanlara keçi qara ciyərindən alınmış şirəni təyin edirdi.
A vitamini həmçinin dərinin, saçların vəziyyətinə çox müsbət təsir edir, uşaqlarda böyümə və ikişaf prosesləri üçün vacibdir.
B qrupu vitaminlərlə zəngin olan qara ciyər insanın sinir sistemi üçün çox xeyirlidir.
Qara ciyər ürək xəstəlikləri zamanı da çox faydalıdır.
İmmun sistemi zəif olan insanlar və xüsusilə uşaqlar mütləq qara ciyər yeməlidir. Qara ciyərin tərkibində immunitetin yaxşı fəaliyyəti üçün lazım olan əksər maddələr var.
Fol turşusu və dəmilə zəngin olan qara ciyər hamilə qadınlar üçün çox faydalıdır. Fol turşusu döldə müxtəlif inkişaf qüsurların (xüsusilə beyin qüsurlarının) əmələ gəlməsinin qarşısını alır. Dəmir isə hamiləlik zamanı qadınlarda tez-tez inkişaf edən anemiyanın profilaktikasıdır.
Etiketlər: ciyər, təbii, zamanı, zəngindir, insanlara, müalicəvi, faydalıdır, vitamini, zəngin, ciyərdə, vitamin, xüsusilə, sistemi, anemiyanın, ciyərin, dəmir, turşusu, orqanizm, qrupu, müxtəlif
BİZİ İZLƏYİN