• Pasta primavera resepti

Reseptin məlumatları Baxış sayı: 7269

Tarix : 18.03.2016, 22:00

Bölmə : Quru yeməklər, Tərəvəz yeməkləri

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
500 q fettuçini (qalın əriştə)
1 ədəd gülkələmi
1 balaca qabaq
4 ədəd təzə qulançar
100 q göy noxud konservi
3 diş sarımsaq
3 pomidor
12 reyhan yarpağı
4 x.q. kərə yağı
1/4 st. toyuq bulyonu
1/2 st. yağlı qaymaq
1/2 st. sırtgəcdən keçirilmiş parmezan pendiri
duz

Hazırlanması:
Fettuçini əvəzinə başqa makaron növləri, hətta spagetti də istifadə edə bilərsiniz.

5 l su qaynadın (100 q əriştə üçün 1 l hesabı). Duzlayın. Bir qabı çox soyuq su ilə doldurun (hətta içinə buz da qoya bilərsiniz). Gülkələmini qaynayan suda 1 dəqiqə qaynadın, qulançarı əlavə edib daha 1 dəqiqə qaynadın. Sonra göy noxudu əlavə edib yarım dəqiqə qaynadın. Tərəvəzləri çıxarıb buzlu suya qoyun. Soyuyan kimi aşsüzənə yığın.
Əriştəni tərəvəzləri bişirdiyiniz suda bişirə bilərsiniz, əgər istəməsəniz yenidən su qaynadın.

İri tavada yağı əridin, xırda doğranmış sarımsaq və qabağı əlavə edib 1 dəqiqə qovurun. Xırdalanmış pomidorları əlavə edib qarışdıraraq daha 2 dəqiqə qovurun. Bulyon tökün, qaynara düşəndə bişirilmiş tərəvəzləri əlavə edib ehtiyatla qarışdırın. Ocağı azaldın, qaymaq azca qaynayan kimi parmezan pendirini əlavə edin, qarışdırın. Əgər sous çox qatıdırsa, toyuq bulyonu, su və ya qaymaq əlavə edə bilərsiniz.

Fettuçinini (makaronu və ya spagettini) elə bişirin ki, sousla eyni vaxtda hazır olsun. Məsələn, pasta kapellini (qalın makaron) 1-2 dəqiqə, spagetti isə 8-12 dəqiqə qaynadılır. Üstəlik, makaron məhsullarını qaynadarkən qazanın ağzını heç vaxt örtməyin. Fettuçinini qablaşdırmanın üstündə göstərilən qaydada bişirin.

Hazır olan kimi süzün, sousa əlavə edib qarışdırın. Reyhanı doğrayıb üstünə səpin. Dadına baxın, ehtiyac varsa, duz əlavə edin. Qara istiot səpin, boşqablara çəkin.

Nuş olsun!

Etiketlər: əlavə, dəqiqə, qaynadın, bilərsiniz, qarışdırın, qaymaq, makaron, Fettuçinini, parmezan, hətta, bişirin, qalın, qaynayan, olsun, əriştə, spagetti, tərəvəzləri, sarımsaq, qovurun, bulyonu
Загрузка...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəng seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoyler
BİZİ İZLƏYİN




Yandex.Metrica