Tərkibi:
300 q manna yarması
2 x.q. zeytun yağı
200 ml isti su
500 q kotlet qiyməsi
1 yerkökü
1 çuğundur
1 baş soğan
duz
ədviyyat
1 l bulyon

Hazırlanması:
İsti suyu və zeytun yağını qarışdırın, tədricən manna yarmasını əlavə edib xəmir yoğurun.


Xəmir yumşaq, elastik və ələ yapışmayan olmalıdır.


Xəmirdən xırda kündələr tutun. Taxtanın üstünə azacıq un səpərək yayın. İçinə qiymə (ət, baş soğan və ədviyyat) qoyun, kənarlarını bükün.


Bir dərin tavada sürtgəcin iri gözündən keçirilmiş tərəvəzi (yerkökü, çuğundur, soğan) azca qovurun. Üstünə bulyon və ədviyyat tökün.


Mantıları bu sousun içinə salın, qapağını örtüb yarım saat bişirin. Hərdən çevirin ki, üstü, qalın hissəsi də bişsin.


Hazırladığınız mantılar çox alınıbsa və artıq qazana yerləşmirsə, onları dondurucuda saxlamaq olar.

Həmçinin bu mantıları duzlu suda da bişirmək olar, amma adi, xəmiri undan hazırlanan mantıdan fərqli olaraq onu daha uzun müddət bişirmək lazım gələcək.


Süfrəyə xama ilə verə bilərsiniz.

Nuş olsun!

---

Etiketlər: ədviyyat, soğan, çuğundur, bulyon, bişirmək, yerkökü, manna, zeytun, bişsin, hissəsi, qalın, Hazırladığınız, mantılar, çevirin, qazana, artıq, alınıbsa, örtüb, içinə, sousun