Tərkibi:1 toyuq
250 q şampinyon
2 bolqar bibəri
1 soğan
4 pomidor
1 yerkökü
qızartmaq üçün bitki yağı
göyərti (zövqə görə)
reyhan
duz
istiot
70 ml su
1 çimdik "Provans otları" qarışığı
4 diş sarımsaq
Hazırlanması:Toyuğu doğrayın. Duz, istiot vurun.
Qazana yağ töküb qızdırın. İçində toyuğu qızardın.
Tərəvəzləri doğrayın.
Toyuğu qızartdığınız yağa doğranmış göbələklə soğanı salıb qızardın.
Sonra saman kimi doğranmış yerkökünü əlavə edib qızılı rəng alanadək hamısını qovurun.
Xırda pomidorları əlavə edin, duz-istiot vurun, su əlavə edin. Qaynara düşəndə qızartdığınız toyuğu əlavə edin. Üstünə lay-lay doğranmış sarımsaq, saman kimi doğranmış bibər əlavə edin, qazanın qapağını örtüb vam odda 25 dəqiqə bişirin (əgər həyət toyuğudursa, o zaman 35-40 dəqiqə bişirin).
Duzunu yoxlayın, lazım gələrsə, yenə duz vurun, 1 çimdik "Provans otları" səpib daha 10 dəqiqə bişirin.
Ocaqdan götürün, üstünə doğranmış reyhan və zövqünüzə görə başqa göyərti səpin.
Nuş olsun!
Etiketlər: əlavə, doğranmış, bişirin, dəqiqə, vurun, istiot, doğrayın, otları, sarımsaq, qızardın, saman, qızartdığınız, Provans, toyuğu, Toyuğu, göyərti, çimdik, reyhan, qazanın, qapağını