Tərkibi:
500 q ət (mal, qoyun)
3 badımcan
150 q bərk pendir
400 q pomidor
1 yerkökü
1 soğan
4-5 x.q. bitki yağı

Ədviyyat:
1 ç.q. keşniş toxumu
1 ç.q. qurudulmuş bolqar bibəri
1 ç.q. reyhan qurusu
1 ç.q. cəfəri (doğranmış)
1 ç.q. rozmarin
1 ç.q. zəncəfil qurusu
0,5 ç.q. çili istiotu qurusu
2 diş sarımsaq
duz
qara istiot

Bəzək üçün:
1 pomidor
ispanaq

Hazırlanması:
Badımcanı yuyun, lay-lay doğrayın. Duzlayıb 30 dəqiqə saxlayın (acısı çıxmaq üçün).


Sonra isə yağsız qızardın.


Qiyməni ədviyyatlarla qarışdırıb soyuducuya qoyun.


Soğanı təmizləyib xırda doğrayın.


Yerkökünü yuyub təmizləyin, sürtgəcin iri gözündən keçirin.


Tavada 2 x.q. bitki yağını qızdırıb soğanı qovurun.


Yerkökünü əlavə edib qarışdırın. 3 dəqiqə qovurun.


Tərəvəzlərə əti əlavə edin, rəngi dəyişənədək bişirin.


Pomidorların başında xaçvari kəsik edib üstünə qaynar su tökün, sonra qabığını soyun.


Sonra blenderdə xırdalayın.


Pomidoru ətlə tərəvəzlərə əlavə edin, mayesi quruyunca ağzı bağlı tavada bişirin. Ocaqdan götürün.


Pendiri kubik doğrayıb bir qədər soyumuş ətə əlavə edin.


Dördbucaqlı dərin formaya badımcan dilimlərini düzün.


Elə düzün ki, arada açıq qalmasın, yoxsa terrinin forması itər.


İçi qoyub hamarlayın.


Badımcanın kənarlarını için üstünə qatlayın. 190 dərəcə qızdırılmış sobada 35-45 dəqiqə bişirin. Bişirən zaman arada üstünə 1-2 x.q. bitki yağı gəzdirin.


Pomidor və göyərti ilə bəzəyin.


Nuş olsun!

---

Etiketlər: əlavə, qurusu, üstünə, bişirin, bitki, dəqiqə, qovurun, pomidor, doğrayın, qoyun, düzün, badımcan, Yerkökünü, Sonra, arada, bağlı, quruyunca, Ocaqdan, kubik, Pendiri