Tərkibi:500-700 q qoyun əti
2 bolqar bibəri
0,5 limon
2 qırmızı soğan
bir neçə diş sarımsaq
bir ovuc yaşıl zeytun
5-6 təzə kartof
təzə rozmarin
dənəvər istiot (qarışıq da olar - ağ, qara, qırmızı)
zeytun yağı
duz
Hazırlanması:Qoyunu orta boy tikələrə doğrayın.
2 diş sarımsağı, 1 ç.q. duzu, bir neçə rozmarin yarpağını və 10-12 ədəd çəhrayı istiot dənəsini həvəngdəstədə əzin (sıyıq halına düşənədək).
3-4 x.q. zeytun yağı əlavə edib qarışdırın.
Bu marinadı ətin üstünə tökün.
Limonun yarısının şirəsini sıxın, ətə əlavə edin. Qarışdırın, iki saat saxlayın (bir gecə soyuducuda saxlamaq da olar).
Şirəsini sıxdığınız limonun sedrasını çıxarın, şəridlərə doğrayın (bir qədər sonra lazımınız olacaq).
Bibər, soğan, sarımsaq və kartofu dilimləyin.
Zeytun yağı çəkilmiş dərin siniyə tərəvəzi düzün, üstünə əti və zeytunu qoyun. Qarışdırın.
Üstünə sarımsaq, istiot, limon sedrası, rozmarin budaqları səpin.
200 dərəcə qızdırılmış sobada təxminən 40 dəqiqə, hazır olanadək bişirin. Təamın şirəsi buxarlanmalı, ət və tərəvəzin üstündə isə qızılı qabıq əmələ gəlməlidir.
Nuş olsun!
Etiketlər: zeytun, rozmarin, sarımsaq, istiot, qoyun, Qarışdırın, limon, doğrayın, üstünə, qırmızı, soğan, əlavə, düzün, tərəvəzi, sedrası, budaqları, Üstünə, zeytunu, çəkilmiş, lazımınız