Tərkibi:1 ağ kələm
yumurta
duz
qara istiot
suxarı
bitki yağı
Hazırlanması:Kələmin yarpaqlarını ayırın. Qaynayan duzlu suya salıb bişirin. Yarpaqlar yumşalanda (bunlar didik-didik olmamalıdır, yoxsa heç bir dadı olmaz), təxminən 5 dəqiqə sonra, çıxarıb aşsüzənə yığın.
Bir qabda yumurtaları çalıb duz-istiot vurun. Başqa qabın içinə xırda suxarı səpin. Kələm yarpaqlarını 2, yaxud 4 yerə (ölçüsündən asılı olaraq) qatlayın. Yumurtanın içinə bir neçə dəfə salıb-çıxarın, sonra suxarıya batırın. Yaxşı qızdırılmış bitki yağında hər iki üzünü qızardın.
Bunu qarnir kimi, yaxud xama və ya xama sousu (xama + sarımsaq və ya xama + göyərti) ilə süfrəyə verə bilərsiniz.
Nuş olsun!
Etiketlər: yaxud, yarpaqlarını, içinə, sonra, salıb, bitki, didik, istiot, suxarı, qatlayın, çıxarın, Yumurtanın, ölçüsündən, səpin, xırda, Kələm, suxarıya, asılı, olaraq, yağında