Tərkibi:
100 qram qoyun əti
30 qram düyü
20 qram baş soğan
Keşniş
Şüyüd
Nanə
40 qram üzüm yarqağı
20 qram qatıq
10 qram ərinmiş yağ
duz
istiot
darçın
noxud ləpəsi (istəyə görə bəzi hallarda)

Hazırlanması:
Yarpaq dolması hazarlımaq üçün əvvəlcə qoyun ətindən qiymə hazırlanır. Qoyun əti ətçəkən maşından keçirilərkən, onunla birlikdə baş soğan da maşından keçirilir. Soğanlı qiymə əldə edilmiş olur.
Soğanlı qiymə hazırlandıqdan sonra bunlara göyərtilər: keşniş, süyüd, nanə vurulur. Daha sonra keşniş, şüyüd, nanə vurulan soğanlı qiyməyə istiot və duz da əlavə edilir və qiymə qarışdırılır.
Dolmanın içi hazır olduqdan sonra təzə və ya duza konservləşdirilmiş üzüm yarpaqları suda pörtlədilir və dolma bişirməyə hazır hala gətirilir.
Pörtlədilmiş üzüm yarpaqları səliqə ilə açılır. Qiymə yaxşıca qarışdırılır və hər yarpağa təqribən 25 qram olacaq şəkildə (dolmanın ölçüsü və yarpağın ölçüsünə görə bu miqdar dəyişir) qoyulur. Dolmalar bükülür. Bükülən dolmalar səliqə ilə qazana düzülür. Bəzi hallarda yarpaq dolması sapa muncuq şəklində düzülür və bu halda qazana düzülür.
Dolmalar qazana düzüldükdən sonra üzərinə biraz su əlavə edilir və vam odda bişirilməyə başlayır. Dolma bişərkən üzərinə tərsinə çevrilmiş bir qab qoyulur və qapağı örtülür. Dolmanın bişmə müddəti təqribən bir saatdır.
Dolma süfrəyə verilərkən yanında ayrıca qatıq verilir. Bu zaman sarımsaqlı qatıqdan da istifadə etmək mümkündür.

Nuş olsun!

---

Etiketlər: sonra, qiymə, qazana, düzülür, əlavə, keşniş, maşından, Soğanlı, edilir, üzərinə, hazır, səliqə, təqribən, qoyulur, Dolmalar, Dolmanın, yarpaqları, qarışdırılır, Dolma, qatıq