Tərkibi:400 q toyuq filesi
200 q kəsmik
1 budaq çerri pomidoru
80 q dənəsiz yaşıl zeytun
40 ml zeytun yağı
0,5 ç.q. duz
1/4 ç.q. istiot
1 yumurta
Hazırlanması:Toyuq ətini yuyub doğrayın. Blenderdə xırdalayıb qiymə halına salın.
Kəsmiyi də zeytun yağı qatmaqla blenderdə pasta halınadək çalın.
Ayrı qabda toyuq qiyməsi ilə kəsmikli pastanı qarışdırın, duz-istiot, yumurta qatın.
Formaya kütlənin 1/3-ni döşəyin. Zeytunları düzün. Kütlənin 1/3-ni döşəyib yenə zeytun düzün. Toyuqlu kütlənin qalanını döşəyib üzərinə çerri pomidorlarını düzün, azca içinə basdırın.
Əvvəlcədən 200 dərəcə qızdırılmış sobada 35 dəqiqə bişirin. Sonra sobanı söndürün. Terrini 10 dəqiqə sobada saxlayın.
Terrini həm isti, həm də soyuq halda süfrəyə vermək olar.
Nuş olsun!
Etiketlər: zeytun, düzün, yumurta, istiot, kütlənin, döşəyib, toyuq, sobada, dəqiqə, çerri, Terrini, Toyuqlu, üzərinə, halda, qalanını, Kütlənin, döşəyin, Zeytunları, vermək, süfrəyə