• Zur beliş resepti

Reseptin məlumatları Baxış sayı: 17602

Tarix : 18.08.2014, 13:00

Bölmə : Quru yeməklər, Ət yeməkləri, Xəmir işləri

Mətbəx : Asiya mətbəxi

Hazırlanma vaxtı : Yox

Nəfər sayı : 6-8


Tərkibi:
Xəmir:

3-3,5 st. un
500 q xama və ya qatıq
duz
şəkər tozu

İç:
1,5-2 kq ət (mal, qoyun, toyuq, ördək - zövqə görə)
2 kq kartof
3 baş soğan
3 x.q. kərə yağı
1 st. bulyon
duz
təzə üyüdülmüş qara istiot

Hazırlanması:
Xəmir üçün olan ərzağı dərin ləyəndə qarışdırıb elastik, ələ, oxlova yapışmayan xəmir yoğurun. 20 dəqiqə saxlayın.

Soğanı təmizləyib xırda doğrayın. Əti və kartofu iri kubiklərə doğrayın. Soğanı, duz və istiot əlavə edib qarışdırın.

Xəmirin dörddə birini ayırın. Qalan iri hissəni 6-7 mm qalınlıqda yayın. Elə olmalıdır ki, iri dairəvi formadan kənara çıxsın.

İçi xəmirin üstünə qoyub qıraqlarını ortasına qatlayın.

Qırağa qoyduğunuz xəmirdən pinq-ponq şarı boyda kündə qoparıb bir kənara qoyun, qalanını isə yayıb belişin üzərinə çəkin, qıraqlarını bitişdirin. Ortasında deşik açın, içinə ərinmiş kərə yağı tökün, sonra isə o balaca kündəni həmin deşiyin üstünə qoyun (butulkanın ağzına mantar qoyan kimi).

Belişin üstünə yumurta çəkin, sobada 1-1,5 saat bişirin.

Sonra çıxarın, üstdəki kürə-kündəni götürün, içinə bulyonun 3/4-nü tökün, kürəni yerinə qoyun, üstünə folqa çəkib yenidən sobaya qoyun. Daha 1 saat bişirin. Belişi süfrəyə verməzdən əvvəl kündəni götürüb içinə bulyonun qalanını tökün. Süfrəyə elə bişirdiyiniz sinidə verə bilərsiniz.

Belişdə ən əsası onun süfrəyə verilmə qaydasıdır: Üst qazmaq çıxarılır. İç qaşıqla boşqaba çəkilir. Yanına üst qazmaqdan parçalar qoyulur. İç yeyilib qurtarandan sonra isə ən dadlı yeri - bulyon, yağ və şirəni özünə hopdurmuş alt qazmaq bölünür. Qədimlərdə onu ən hörmətli qonağa verirmişlər.

Nuş olsun!


Etiketlər: qoyun, üstünə, tökün, içinə, kündəni, kənara, doğrayın, istiot, bulyonun, qazmaq, qıraqlarını, Soğanı, bulyon, bişirin, qalanını, süfrəyə, sonra, xəmir, çəkin, götürün
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
Лала ж
Kurnik reseptine benzeyir.dadli olar her halda
23 aprel 2016 11:19
2
Offline
emis
beyenmedim
18 avqust 2014 14:48
1
  • İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
BİZİ İZLƏYİN