Tərkibi:
1 qabaq
1 orta boy soğan
1 yerkökü
150 q sürtgəcdən keçirilmiş pomidor
300 q ət (mal və ya toyuq)
duz, istiot, ədviyyat - zövqə görə
zeytun yağı

Kökələr:
1,5 st. un
1,5 ç.q. qabartma tozu
1/2 ç.q. duz
70 q kərə yağı
175 ml qatıq

Hazırlanması:
Əti kubik doğrayıb tavaya yığın. Zeytun yağında qızarınca qovurun. Yarımhalqa doğranmış soğan, saman kimi doğranmış yerkökü əlavə edin. Orta itilikli odda, qarışdıraraq 5 dəqiqə bişirin.


Kubik doğranmış qabağı əlavə edib 15-20 dəqiqə ağzı bağlı tavada bişirin.


Sürtgəcdən keçirilmiş pomidorları əlavə edin. Duz, istiot vurun.


Azca su əlavə edin, vam odda bişirin (yarımbişmiş olsun).


Xəmir: unu ələyin, qabartma tozu, duz, yumşaldılıb kubik doğranmış kərə yağı əlavə edin.


Qarışdırın, qatıq əlavə edin.


Yoğurun. Elastik, azca ələ yapışan xəmir alınacaq.


Un səpilmiş lövhənin üstünə qoyun. Qalın yayın. Balaca kökələr kəsin.


Əti odadavamlı qaba yığın. Üstünə isə kökələri düzün.


190 dərəcə qızdırılmış sobada 30 dəqiqə bişirin.

Nuş olsun!

---

Etiketlər: əlavə, bişirin, doğranmış, dəqiqə, qatıq, kubik, olsun, qabartma, yığın, istiot, soğan, yerkökü, keçirilmiş, yapışan, xəmir, alınacaq, qızdırılmış, Yoğurun, Xəmir, sobada