Tərkibi:
4 x.q. düyü
5-6 yumurta
1 banka balıq konservi (mütləq yağda olan: tuna, sayra və s.)
1 alma
1 balaca soğan
80 q kərə yağı
200 q mayonez
1 ç.q. şəkər tozu
1 x.q. limon şirəsi

Hazırlanması:
Düyünü qaynadıb bişirin, soyudun.

Sous:
Balıq konservinin yağını ayrıca qaba tökün, mayonezin yarısını, şəkər tozu və limon şirəsini əlavə edib qarışdırın.


Yumurtaları bişirin, ağını sarısından ayırın. Ağını nazik şəridlərə doğrayın. Sarısını çəngəllə əzin. Soğanı xırda doğrayın. Almanı təmizləyib sürtgəcdən keçirin.


Balıq konservini çəngəllə əzin.


Sonra bunları boşqaba lay-lay düzün:

1-ci lay: xırdalanmış yumurta sarısı;
2-ci lay: əzilmiş balıq konservi;
3-cü lay: düyü, üzərinə isə çəngəllə mayonez çəkin (mayonezi tökməyin, çəngəllə yaxın);
4-cü lay: sürtgəcdən keçirilmiş alma;
5-ci lay: konservin qalanını soğanla qarışdırıb döşəyin;
6-cı lay: kərə yağını sürtgəcdən salatın üzərinə keçirin (əvvəlcədən dondura bilərsiniz).
Salatın üzərinə ortasından başlamaqla dairəvi hərəkətlərlə sous gəzdirin. Üstünə lay-lay doğradığınız yumurta ağını qoyun.


Üstünü zövqünüzə görə bəzəyə bilərsiniz. Salatı iki saat soyuducuda saxlayın.


Nuş olsun!

---

Etiketlər: çəngəllə, yumurta, sürtgəcdən, üzərinə, limon, ağını, bişirin, doğrayın, Balıq, şəkər, mayonez, yağını, bilərsiniz, konservi, keçirin, balıq, döşəyin, qalanını, soğanla, konservin