Tərkibi:sous:
2 x.q. balzamik sirkə
6 x.q. zeytun yağı
duz
qara istiot
salat:
200 q qəhvəyi, yaxud yaşıl mərcimək
150 q tilapiya filesi
200 q çerri pomidoru
150 q şampinyon
1 avokado
kahı
reyhan (bəzək üçün)
Hazırlanması:Sous üçün ərzağı bir bankaya yığın, qapağını bağlayıb çalxalayın.
Mərciməyin üzərinə soyuq su töküb ocağa qoyun. Qaynara düşəndən sonra 20 dəqiqə bişirin. Ocaqdan götürüb süzün, soyudun.
Tilapiyanı qaynayan suda 3-5 dəqiqə bişirin (bişmə vaxtı filenin qalınlığından asılıdır). Çıxarıb soyudun, iri tikələrə doğrayın.
Şampinyonları fal-fal doğrayın, çiy sevmirsinizsə, qızardın.
Mərcimək, çerri pomidorları, doğranmış avokado, şampinyonu bir qaba yığın. Sousdan 1-2 x.q. ayırıb qalanını salatla qarışdırın (çalışın avokado əzilməsin).
Kahı yarpaqlarını buluda düzün. Üzərinə salatı təpələmə yığın. Balıq tikələrini düzüb üzərinə sousun qalanını gəzdirin, reyhanla bəzəyin.
Nuş olsun!
Etiketlər: yığın, avokado, üzərinə, dəqiqə, bişirin, qalanını, doğrayın, çerri, soyudun, doğranmış, pomidorları, Mərcimək, şampinyonu, Sousdan, sirkə, ayırıb, qızardın, sevmirsinizsə, asılıdır, qalınlığından