Tərkibi:300 qr krevetka
kahı
10-15 ədəd pomidor
2 diş sarımsaq
1 ədəd acı bibər
4 x/q zeytun yağı
parmesan pendiri
ətirli sirkə
duz
qara istiot
Hazırlanması:Krevetkalar qaynayan suya əlavə edilir və bir dəqiqə saxlanılır. Süzgəcə əlavə edilərək suyu süzülür. Zövqə görə krevetkalar quyruqdan təmizlənir.
Sarımsaqlar yarı kəsilir, bibər həmçinin yarı kəsilir, tumlardan təmizlənir. Və zeytun yağında qızardılır. Sarımsaqlar rəngini dəyişən kimi, bibər və sarımsaqlar çıxarılıb atılır. Beləliklə yağ ətirli və acılı alınır. Tavaya krevetkalar əlavə edilir və 2 dəqiqə qızardılır. Zövqə görə istiot vurulur.
Boşqaba kahı və doğranmış pomidorlar əlavə edilir. Üzərinə krevetkalar düzülür. Yaxşı qarışdırılır və zövqə görə duz vurulur. Bir qədər ətirli sirkə səpilir. Parmesan pendiri səpilir. Salat hazırdır.
Nuş olsun!
Etiketlər: əlavə, krevetkalar, bibər, edilir, ətirli, dəqiqə, Zövqə, təmizlənir, kəsilir, Sarımsaqlar, qızardılır, vurulur, səpilir, zeytun, pendiri, istiot, sirkə, alınır, acılı, doğranmış