• Almalı-armudlu piroq resepti - FOTO RESEPT

Reseptin məlumatları Baxış sayı: 28 390

Tarix : 29-09-2014, 17:00

Bölmə : Piroq və Kekslər / Meyvəli şirniyyatlar / Foto reseptlər

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
Üstü üçün:

1 iri, yetişmiş, amma bərk lətli armud
1 iri, turşməzə alma
1/2 limon
50 q kərə yağı
1/4 ç.q. darçın (istəyə görə)
2 x.q. qəhvəyi şəkər tozu (olmasa, adi ağ)

Xəmir üçün:
100 q otaq temperaturunadək yumşaldılmış kərə yağı
100 q şəkər tozu
170 q un
1 ç.q. qabartma tozu
50 q üyüdülmüş badam
3 iri yumurta
2 x.q. süd
1 x.q. vanilli şəkər və ya 1 ç.q. vanil ekstraktı

Hazırlanması:
Alma və armudun qabığını və cecəsini təmizləyin. Tərəfi 1 sm olan kubik halında doğrayın. Bir limonun yarısının şirəsini almayla armudun üstünə gəzdirin ki, rəngi qaralmasın.

Tavada kərə yağını əridin. Meyvələri, darçın və şəkər tozunu əlavə edin. Almalar yumşalanadək qarışdıra-qarışdıra bişirin. Sonra ocağı söndürün.
Almalı-armudlu piroq resepti - FOTO RESEPT


Xəmir: bir ləyəndə unu, qabartma tozunu, üyüdülmüş badamı qarışdırın.

Başqa ləyəndə yumurtanı süd və vanil ekstraktı (yaxud vanilil şəkərlə) ilə çəngəllə çalın.
Almalı-armudlu piroq resepti - FOTO RESEPT


Kərə yağını şəkər tozu ilə krem halınadək çalın. Sonra növbə ilə un qarışığı və yumurta qarışığını hissə-hissə əlavə edin. Hər dəfə əlavə etdikdən sonra yaxşıca çalın (unla başlayıb, unla da yekunlaşdırın, məsələn, un - yumurta qarışığı - un - yumurta qarışığı - un və s.).
Almalı-armudlu piroq resepti - FOTO RESEPT


Xəmiri yağlanmış siniyə (diametri 23 sm) tökün. Üstünə meyvələri bərabər qaydada düzün.
Almalı-armudlu piroq resepti - FOTO RESEPT


Sinini 180 dərəcə qızdırılmış sobada təxminən 40 dəqiqə saxlayın. Korjun bişib-bişmədiyini kibrit və ya diş çöpü vasitəsilə yoxlayın. Sobadan çıxarıb soyudun, doğrayın.
Almalı-armudlu piroq resepti - FOTO RESEPT


Nuş olsun!
Etiketlər: şəkər, yumurta, qarışığı, əlavə, çalın, vanil, üyüdülmüş, doğrayın, ekstraktı, yağını, qabartma, armudun, tozunu, qarışdıra, hissə, ləyəndə, Xəmir, darçın, Sonra, çəngəllə
BİZİ İZLƏYİN