Tərkibi:
Xəmir üçün:1 yumurta
200 ml süd
1 x.q. kərə yağı
10 q qabartma tozu
30 q şəkər tozu
1 çimdik duz
20 q qatıq
200 q un
Ballı sous üçün:1 banan
2 x.q. duru bal
qoz
2 x.q. kərə yağı
Hazırlanması:Yumurtanı yumşaldılmış yağ və şəkər tozu ilə çalın. Qatıq, duz, qabartma tozu əlavə edin. Qarışdırın, un əlavə edib yenə qarışdırın. Qatı xəmir alınacaq. Qarışdıra-qarışdıra isti süd əlavə edin. Xama qatılığında xəmir alınmalıdır (blinçik xəmirindən azca qatı).
Tavada bitki yağını qızdırın. Qaşıqla xəmirdən götürüb tavaya yayın, blinçiki o üz-bu üz qızardın.
Qozu xırda doğrayıb kərə yağında qovurun. Bal əlavə edib daha 1-2 dəqiqə bişirin.
2-3 blini üst-üstə qoyun, üzərinə dilimlənmiş banan düzün, bunun da üstünə qozlu-ballı sousu gəzdirin.
Süfrəyə isti-isti verin.
Nuş olsun!
Etiketlər: əlavə, xəmir, şəkər, banan, qabartma, qovurun, dəqiqə, bişirin, qoyun, blini, yağında, doğrayıb, yayın, blinçiki, qızardın, tavaya, xırda, dilimlənmiş, sousu, ballı