• Noktürn piroqu resepti

Reseptin məlumatları Baxış sayı: 17 370

Tarix : 28-05-2015, 22:00

Bölmə : Şirniyyatlar / Piroq və Kekslər

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
150 q kəsmik
4 x.q. bitki yağı
1 yumurta
2 x.q. şəkər tozu
1,75 st. un
1,5 ç.q. qabartma tozu (1 paketin yarısı)

iç:
3 yumurta
600 q mandarin
1 limon
100 q kərə yağı
150 q şəkər tozu
750 q kəsmik
225 q xama
1 ç.q. qabartma tozu

Hazırlanması:
Kəsmiyi bitki yağı, yumurta, şəkər tozu ilə birlikdə mikserlə çalın, ələnib qabartma tozu qatılmış un əlavə edin, xəmir yoğurun.
24 sm diametrli formanı yağlayın. Xəmiri yayın. Formanın içinə döşəyin, kənarlarını qaldırın. İçi hazırlayanadək soyuducuya qoyun.
Yumurta ağlarını sarılarından ayırıb çalın və soyuducuya qoyun.
Limonu yuyun, qabığını sürtgəcdən keçirin (1 ç.q. sedra lazımdır). Sonra limonu sıxın (1 x.q. şirə lazımdır).
Yumşaldılmış kərə yağını, şəkər tozunu və yumurta sarılarını çalın. Kəsmik, xama, qabartma tozu, limonun sedrası və şirəsini əlavə edib yaxşıca qarışdırın.
Mandarinlərin qabığını soyub pərdələrini təmizləyin, dilimləri yarı bölüb içə qatın. Soyuducudan çalınmış yumurta ağlarını çıxarıb buraya əlavə edin, qaşıqla ehtiyatla qarışdırın.
İçində xəmir olan formanı soyuducudan çıxarın, kəsmikli içi qoyub hamarlayın. Qalan mandarin dilimlərini üstündən düzün (bir az içəri batırın). 180 dərəcə qızdırılmış sobada 1 saat bişirin. Əgər üstü tez qızarsa, folqa çəkin.
Piroqu tam soyuyandan sonra süfrəyə verin.

Nuş olsun!
Etiketlər: yumurta, qabartma, şəkər, çalın, əlavə, formanı, lazımdır, qabığını, ağlarını, mandarin, qoyun, qarışdırın, soyuducuya, kəsmik, xəmir, bitki, ehtiyatla, qaşıqla, çıxarın, kəsmikli
BİZİ İZLƏYİN