• Profiterol resepti

Reseptin məlumatları Baxış sayı: 33 014

Tarix : 7-12-2015, 18:00

Bölmə : Piroq və Kekslər / Xəmir işləri

Mətbəx : Avropa mətbəxi

Hazırlanma vaxtı : 60-120

Nəfər sayı : 8-10


Tərkibi:
Krem üçün lazım olan ərzaqlar:
0,5 lt(litr) süd
60 qr nişasta (kartof kraxmalı)
125 qr şəkər tozu
1 yumurta
250 qr şanti
vanil

Şokaladlı sos üçün:
0,5 lt su
25 qr kakao
125 qr şəkər tozu
125 qr tünd (bitter) şokolad
50 qr un
100 qr kərə yağı

Xəmir üçün:
1,5 stəkan su
1+1/3 stəkan un
100qr marqarin
4 yumurta

Hazırlanması:
Kremin hazırlanması:

1. Süd, vanil qazana tökülür qaynadılır. Qaynayandan sonra qazdan götürülür.

2. Başqa bir qabda yumurta,nişasta,şəkər tozu yaxşı qarışdırılır.Sonra tez-tez qarışdıra-qarışdıra südün içinə tökülür və yaxşı qarışdırılır.Qazanı yenidən qaza qoyuruq və qarışdıra-qarışdıra bişiririk.

3. Qanamağa başlayanda(pık-pık eləyəndə) 1-2 dəqiqə bişirib qazdan götürülür,soyudulur.

4. Soyuduqdan sonra, 500 qr şanti əlavə olunur və mikserlə qarışdırılır(əl ilə də qarışdırmaq olar ).

Şokaladlı sosun hazırlanması:
1. Su, şəkər tozu, kakao, un qarışdırılır və qaynadılır.

2. Sonra qazdan götürüb içinə 200qr kərə yağı, 250qr tünd şokoladı töküb yaxşı qarışdırırıq.

3. Alınmış sosu soyuduruq.

Profiterolun hazırlanması:
1. Su, şəkər tozu, yağ qazana qoyulur. Yağ əriyənə kimi qaynadılır.

2. Sonra qazı azaldıb yavaş-yavaş un əlavə edirib tez-tez qarışdırılır(çırpma teliylə).

3. Xəmir kimi olandan sonra 2-3 dəqiqə bişirib sonra qazdan gotürüb,soyuduruq.

4.Tam soyuduqdan sonra yumurtaları bir-bir əlavə edib mikserlə çırpırıq.

5. Əvvəcədən sobanı 180 dərəcədə isidirik.

6. Sonra sobanın listinin içinə kalka kağızı sərilir. İri qənnadı torbasını (rusca: konditerskiy
meshok) xəmirlə doldururuq (torbanın ucu adi olsun, yəni gül və ya ziq-zaq şəklində
deyil) .Torbanı sıxıb 3sm-lik yumru xəmirlər duzəldirik (hər xəmir arasında 4sm məsafə
olmalıdı).

7. Sonra listi sobanın orta təbəqəsinə yerləşdirib profiterolları 30 dəqiqə
bişiririk.

8. Bişmiş profiterollar şişəcək, üstləri bir az qızaracaq. Profiterollarin arasına krem
doldurmazdan əvvəl, onları 1 saat kənarda soyutmaq lazımdı.

Profiterolun düzəldilməsi:
Bunun üçün bizə profiterol xəmirinin bişirilmişi, sos və krem lazım olacaq. Profiterolların
içini doldurmaq üçün qənnadı torbasından istifade edə bilərik. Torbanın ucu hazırlanmış
xəmirin yan hissəsindən və ya altından içərisinı salınır, krem sıxılır. İçi kremlə
dolduqdan sonra qaba qoyulur. Bütün xəmirlər eyni qayda ilə hazırlanır qaba qoyulur.
Sonda hazırladığımız sosu üstünə tökürük.

Nuş olsun!
Etiketlər: sonra, qarışdırılır, şəkər, Sonra, qarışdıra, lazım, qazdan, ərzaqlar, yaxşı, dəqiqə, qaynadılır, qoyulur, yumurta, əlavə, içinə, hazırlanması, qazana, yavaş, bişirib, götürülür
BİZİ İZLƏYİN