• İdeal limonlu tart resepti

Reseptin məlumatları Baxış sayı: 9556

Tarix : 21.05.2016, 23:00

Bölmə : Şirniyyatlar » Piroq və Kekslər

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
1/2 stəkan (115 qram) kərə yağı
2 xörək qaşığı incə rəndələnmiş limon qabığı (təxminən 4 limondan)
1 3/4 stəkan ağ un
1 1/4 stəkan şəkər tozu
2 çimdik duz
6 iri yumurta
1 stəkan təzə sıxılmış limon suyu (qabığını rəndələdiyiniz limonlardan istifadə edin)
1/2 stəkan yağlı qaymaq (çalına bilən)
Üstünə səpmək üçün şəkər kirşanı (pudra şəkəri)

Hazırlanması:
Tartın xəmirini hazırlayın:
Soba rəfini sobanın orta gözünə yerləşdirib onu 175ºC-yə qədər qızdırın. Altı çıxarıla bilən 28 sm ölçülü tart tavasını hazır saxlayın.
Kərə yağını balaca bir qazanda orta istilikdə əridib içinə 1 çay qaşığı limon qabığı əlavə edin və 5 dəqiqəliyinə kənara qoyun.
Unu, 1/4 stəkan şəkər tozunu, bir çimdik duzu orta ölçülü bir qabın içində qarışdırın. Çəngəllə qarışdıra-qarışdıra yağ qarışığını nazik axınla bu qarışığın üzərinə tökün. Xəmir əmələ gələnə qədər qarışdırmağa davam edin. Xəmirdən bir azca götürüb barmaqlarınızın arasında basanda xəmirin hazır olduğunu anlayacaqsınız.
Qarışığı tart qabının içinə qoyun və barmaqlarınızın ucları ilə basmaqla bərabər qaydada qabın divarlarına və dibinə yayın. 20 dəqiqə ərzində, yaxud xəmir yünül qızılı-qonur rəng alana qədər sobada bişirin. Ehtiyatlı olun – tart qabının altından tutmayın, qabın dibi çıxar, xəmir qırılar! Dəmir soba tellərinin üzərində soyumağa qoyun və eyni zamanda içliyi hazırlamağa başlayın.

İçliyi hazırlayın:
Qalan 1 stəkan şəkər tozunu və qalan bir xörək qaşığı limon qabığını prosessorda qabıq narın hala gələnə qədər qarışdırın.
Yumurtaları, şəkər və limon qabığı qarışığını, limon suyu və bir çimdik duzu orta ölçülü dərin qabda eynicinsli kütlə alınana qədər çalın.
Qaymağı orta ölçülü dərin qabda elektrik mikserin orta sürətində yumşaq təpəcilər əmələ gələnə qədər çalın. Qaymağı yumurta qarışığına əlavə edib tam qarışana qədər çalın.

Tartı bişirin:
Soba listini sobanın orta gözünə yerləşdirib tart xəmirini onun üstünə qoyun. İçiliyi hələ də bir qədər isti olan xəmirin üzərinə tökün. (Bəli, siz əvvəlcə listi sobaya, tartı bişdiyi qabın içində listin üzərinə qoymalısınız və yalnız bundan sonar içliyi xəmirin içinə tökməlisiniz, çünki əgər bunu sobadan kənarda etsəniz içliyi axıtmadan listi sobaya daşımaq çətin olacaq.) İçliyin hamısını xəmirin içinə tökün – onun miqdarı elə tartın xəmirini doldurmaq üçün kifayət edəcək qədərdir. Əgər tart qabınız lazımi ölçüdədirsə içlikdən artıq qalmamalıdır.
25-30 dəqiqə ərzində, yaxud orta hissədə içlik bir qədər özünü tutana qədər bişirin. Tartın üstü bir o qədər də qonurlaşmamalıdır. Qonurlaşmağa başlayan halda olmalıdır. Bir daha təkrarlayım, tart qabını sobadan çıxardığınız zaman ehtiyatlı olun – qabı altından tutmayın, yoxsa qabın altı çıxar və tart qırılar! Tartı soba tellərinin üzərinə soyumağa qoyun. Tart qabının kənarlarını çıxarın. Soyudun. Düz süfrəyə verməzdən əvvəl tartın üzərinə balaca ələk vasitəsilə bol-bol pudra şəkəri tökün. Dilimlərə doğrayıb qonaqlarınıza təqdim edin.

Nuş olsun!

Etiketlər: qədər, stəkan, limon, şəkər, üzərinə, qoyun, qabın, xəmirin, tökün, ölçülü, içinə, içliyi, gələnə, çalın, qabığı, çimdik, xəmirini, qabının, qaşığı, bişirin
Загрузка...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəng seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoyler
Offline
Aliya
sagolun yazdiginiz ucun
30 may 2016 20:34
3
Offline
Totu
Limonlu mence yaxwi olmaz)
26 may 2016 14:27
2
Offline
ekiler
Şirniyyatlar çox superdir.Amma nedense soçi piroqu reseptini oxumaq mümkün olmadı yani asan paxlava reseptini istərdim oxumaq olmadı nedense.

pis oldum heç bir resept açılmır nedense.
23 may 2016 11:55
1
BİZİ İZLƏYİN




Yandex.Metrica