• Düyü ilə kəsmikli piroq resepti

Reseptin məlumatları Baxış sayı: 23876

Tarix : 27.07.2014, 03:44

Bölmə : Şirniyyatlar » Piroq və Kekslər

Mətbəx : Yoxdu

Hazırlanma vaxtı : Yox

Nəfər sayı : Yox




Tərkibi:
3 st un
200 q kərə yağı
200 q xama
1 st şəkər tozu
1 ədəd yumurta
1 ç.q soda
ç.q ucunda duz

İçlik üçün:
500 q kəsmik
7-8 ədəd yumurta
200 q kərə yağı
1/2 st uzun düyü.

Hazırlanması:
Əvvəlcə xəmirini hazırlayaq. Dərin bir qabda un ilə yağı ovuruq. Yumurtanı, duzu və soda ilə xamanı qarışdırıb unun üstünə əlavə edib yaxşı qarışdırırıq.
Şəkər tozunu əlavə edib qarışdırırıq.Şəkər tozunu qarışdırdıqdan sonra yumşaq xəmir kimi olacaq.

İçlik üçün balaca qazanda suya duz töküb qaynadırıq. Qaynayan kimi düyünü yuyub suya töküb qarışdırırıq. Tam bişməmiş düyünü süzürük üstünə soyuq su gəzdiririk. Qoyuruq tamam suyu süzülür və soyuyur. (düyünü aşda (plovda) olduğu kimi süzürük )
Kəsmiyi əzib üstünə kərə yağını sürtgəcdən keçirib qarışdırırıq.Kəsmiyin üstünə yumurtaları sındırıb yaxşı qarışdırırıq.Bişmiş düyünü əlavə edib yavaş qarışdırırıq.

Xəmiri iki hissəyə bölürük altı üçün olan xəmiri o birindən böyük götürürük. Diametri 28 sm olan qabı yağlayıb böyük kündəni əlimizi unlayıb xəmiri yayırıq. Xəmir qabın yanlarına çıxmalıdır ki içlik tökülməsin. İçliyi xəmirin üstünə tökürük.
Balaca xəmiri unlayıb yayırıq. Bu xəmir bir az çətin yayılır ələ yerə yapışır.
Əgər çox yapışsa un əlavə edib bir az bərkidirik. Sonra əliniz ilə yumru qabın ağızı boyda yayırıq.Yaydığımız xəmiri içliyin üstünə ehtiyatla qoyub yanlarını bərkidirik. 170 dərəcə qızdırılmış sobada 40-50 dəqiqəyə bişiririk. Qabda soyuyub ilıq olanda çıxarıb başqa düz qaba qoyuruq. Tam soyuduqdan sonra doğrayıb süfrəyə verə bilərsiniz.

Nuş olsun!
Etiketlər: üstünə, qarışdırırıq, xəmiri, düyünü, əlavə, yayırıq, tozunu, Şəkər, sonra, süzürük, bərkidirik, töküb, xəmir, yaxşı, unlayıb, İçlik, yumurta, qabın, böyük, yapışsa
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
  • İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
BİZİ İZLƏYİN