Tərkibi:250 q kərə yağı
250 q şəkər tozu
2 yumurta + 2 yumurtanın sarısı
75 ml açıq rom
600 q un
800 q gilas
50 q badam
Hazırlanması:Yumşalmış kərə yağını şəkər tozu ilə ağarıb həcmi artıncayadək çalın. Lap zərif olması üçün şəkər tozu yerinə şəkər pudrası götürə bilərsiniz. Yumurta əlavə edib çalın.
Rom əlavə edib eynicinsli kütlə alınanadək çalın.
Ələnmiş unu əlavə edib əlüstü xəmir yoğurun. Çox yoğurmaq lazım deyil, xəmirin eynicinsli və elastik olması yetər. Qida plyonkasına büküb soyuducuda 30-40 dəqiqə saxlayın.
Bu müddətdə gilası yuyub dənəsini çıxarın.
Soyumuş xəmiri iki bərabər olmayan hissəyə bölün - 1/3 və 2/3. Böyük hissəni un səpilmiş masada yayın. Formanın içinə döşəyib kənarlarını qaldırın (3-4 sm).
Xəmirin üstünə üyüdülmüş badam səpin, təmizlənmiş gilası döşəyin. Üzərinə xəmirin qalanını yayıb çəkin.
Xəmirdən qalarsa, piroqu bəzəmək üçün fiqurlar, yaxud kürələr düzəldib piroqun üzərinə düzün.
180 dərəcə qızdırılmış sobada 1 saat bişirin.
Süfrəyə tam soyuduqdan sonra verin.
Nuş olsun!
Etiketlər: şəkər, çalın, əlavə, badam, eynicinsli, xəmirin, olması, gilası, üstünə, üyüdülmüş, təmizlənmiş, qalanını, Üzərinə, döşəyin, Xəmirin, səpin, kənarlarını, masada, səpilmiş, hissəni