Tərkibi:
Alt təbəqə üçün- 100 q badam və ya fındıq
140 q quru taxta peçenni
70 q kərə yağı (ərinmiş)
Çizkeyk- 700 q labne krem pendir
150 q şəkər tozu
5 ədəd yumurta
30 q un
1 paket vanilya
2 x.q limon suyu
250 q duru krem (slivka)

Hazırlanması:
Üstü-əgər şokoladlı çizkeyk istiyiriksə zərinə ərinmiş şokolad və ya şokolad sosu əlavə edirik, yox əgər meyvəli olsun istiyiriksə bu zaman zövqə görə istədiyimiz meyvədən hazırlanmış sos, məsələn çiyələk üçün eləsək bu zaman 1 su stəkanı çiyələk
1 su stəkanı şəkər tozu
0.5 su stəkanı su
1 x.q nişasta-bütün bu məhsulları balaca qazana əlavə edib qaynayana qədər qarışdırın, 1-2 dəq qaynayandan sonra ocaqdan götürün soyumağa qoyun. Biraz soyuyandan sonra hazır çizkeykimizin üzərinə əlavə edə bilərsiniz.
Hazırlanması:Ləpəni və peçennini blendrdən un halını alana qədər keçiririk. Sonra üzərinə ərinmiş kərə yağını əlavə edib qarışdırırıq. Bu qarışımı çizkeykimizi bişirəcəyimiz qabın dibinə töküb qaşıq və ya əllərimizlə yaxşıca basdırırıq hər tərəfinə eyni miqdarda yayılsın. Sonra bunu soyuducuya və ya sərin bir yerə dincəlməyə qoyuruq.

Keçirik üzərini hazırlamağa- Əvvəlcə labne ilə şəkər tozunu mikserlə çırpırıq, sonra ymurtaları bir-bir əlavə edərək mikserlə çırpmağa davam edirik (1 yumurta əlavə edib mikserlə çırpırıq sonra ikincini əlavə edib mikserlə çırpırıq sonra üçüncü yumurta və s. bu ardıcıllıqla yumurtaları əlavə edirik).Un, vanil, limon suyu və duru kremi əlavə edib qaşıqla qarışdırırıq. Mikserlə davam eləmirikki, məhlul köpüklənməsin. Sonra hazır məhlulu əvvəlcədən hazırladığımız alt təbəqənin üzərinə süzgəcdən süzərək əlavə edirik. Bu onun üçün lazımdırki əgər məhlulu yaxşı qarışdırmasaq icərisindən topalar keçməsin.

Sobada 140 C dərəcədə 1 saat bişiririk sonra sobanı söndürürük lakin çizkeykimizi sobadan çıxartmırıq və 1 saatda orada qalır, çalışın bu arada sobanın qapağını açmayasınız. Sonda üzərinə əlavə edirik zövqə görə ya şokolad və ya çiyələkli istəyiriksə yuxarda göstərilən şəkildə hazırladığımız çiyələkli sos. Sonra soyuducuya qoyub 1 gecə saxlayırıq.

Nuş olsun!

---

Etiketlər: əlavə, sonra, edirik, üzərinə, mikserlə, Sonra, şokolad, şəkər, stəkanı, yumurta, ərinmiş, çırpırıq, çiyələk, zövqə, davam, soyuducuya, çizkeykimizi, məhlulu, qarışdırırıq, hazırladığımız