Tərkibi (20 ədəd):
170 q badam (daha 40 ədəd bəzək üçün)
320 q un
1/4 ç.q. duz
1/2 ç.q. darçın
240 q kərə yağı (otaq temperaturunda)
400 q şəkər pudrası
1 ç.q. vanil ekstraktı və ya vanili şəkər
1 yumurtanın ağı

Hazırlanması:
Sobanı 180 dərəcə qızdırın. Badamı (bəzək üçün olanları yox) siniyə töküb sobaya qoyun. Aradabir qarışdıra-qarışdıra 10 dəqiqə qovurun. Çıxarıb soyudun.
Badamı, unu, duzu, darçını blenderə töküb xırdalayın, bir kənara qoyun.

Yağı 200 q şəkər pudrası və vanillə mikserlə çalın. Un qarışığını əlavə edib xəmir yoğurun.


Xəmiri 20 bərabər yerə bölün. Kündələyin, perqament döşənmiş siniyə qoyub azca yastılayın.


Yumurtanın ağını çalın. Bəzək üçün olan badamları bunun içinə atıb qarışdırın. Sonra hər kündənin üstünə iki badam qoyun.

180 dərəcə qızdırılmış sobada təxminən 25 dəqiqə, qurabiyənin altı azacıq qızaranadək bişirin.


Hazır qurabiyəni təxminən 5 dəqiqə soyudun, sonra qalan şəkər pudrasını bir ləyənə tökün, qurabiyələri şəkər pudrasına batırın.

Tamamilə soyuyandan sonra süfrəyə verə bilərsiniz.


Nuş olsun!

---

Etiketlər: şəkər, dəqiqə, qoyun, töküb, siniyə, Badamı, dərəcə, təxminən, soyudun, sonra, çalın, qarışdıra, pudrası, badam, bəzək, qızdırılmış, azacıq, sobada, qurabiyənin, üstünə