• Nanəli-şokoladlı pryaniklər resepti

Reseptin məlumatları Baxış sayı: 14 852

Tarix : 19-03-2016, 15:00

Bölmə : Şirniyyatlar / Peçenye reseptləri

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
175 q 75%-li şokolad
75 q kərə yağı
120 q şəkər tozu
2 yumurta
220 q un
2 x.q. kakao
0,5 ç.q. qabartma tozu
1 çimdik duz
şəkər pudrası (üzərinə)
6 nanə budağı

Hazırlanması:
Şokoladı xırdalayıb yağla birlikdə əridin. Azca soyudun.

Yumurtaları şəkər tozuyla mikserlə ağarınca və həcmi artıncayadək çalın.

Başqa bir qabda quru ərzağı yaxşıca qarışdırın.

Bir qədər soyumuş şokoladı yumurta qarışığına əlavə edin. Nanəni 20 q şəkər tozuyla birlikdə blenderdə xırdalayıb əlavə edin.

Quru qarışığı əlavə edib taxta qaşıqla yaxşıca qarışdırın. Qatı kütlə alınacaq.

Üzərinə qida plyonkası çəkib soyuducuda 2 saat saxlayın.

Qaşığın köməyilə xəmirdən bərabər hissələr götürərək 2,5 sm diametrli kürəciklər hazırlayın.

Kasaya şəkər pudrası tökün, kürələri pudraya batırıb, perqamentin üstünə aralı-aralı düzün.

Sonra üzərindən stəkanın dibi ilə yumşaqca basıb yastılayın.

165 dərəcə qızdırılmış sobada 10-12 dəqiqə bişirin. Pryaniklər şişəcək və üzərində çatlar əmələ gələcək. Üzəri bir qədər bərk olsa da, çatların arasından görünən xəmir yaş təsiri bağışlayacaq, narahat olmayın, belə də olmalıdır. Əgər çox bişirsəniz, bərk olacaq.

Nuş olsun!
Etiketlər: şəkər, əlavə, tozuyla, aralı, qarışdırın, qədər, xırdalayıb, yaxşıca, birlikdə, pudrası, yumurta, dərəcə, yastılayın, basıb, yumşaqca, Kasaya, kürəciklər, hazırlayın, qızdırılmış, stəkanın
BİZİ İZLƏYİN