Tərkibi (40 ədəd üçün):
2 yumurta
150-200 q şəkər tozu
1 x.q. bal
50 q kərə yağı və ya marqarin
2 ç.q. qabartma tozu və ya 1 ç.q. soda
300-350 q un
gavalı və ya ərik qurusu
qoz


Hazırlanamsı:
Gavalı qurusunu isti suda 30 dəqiqə isladın.
Yumurtanı şəkər tozu ilə çalın. Bal əlavə edib yaxşıca qarışdırın. Yağ və qabartma tozu əlavə edib qarışdırın. Bunu qazanın içinə töküb su hamamına qoyun. Kütlə iki dəfə qabaranadək qızdırın. Ocaqdan götürüb azca soyudun.
Sonra un əlavə edib bərk olmayan xəmir yoğurun.
Gavalının içinə qoz ləpəsinin yarısını qoyun. Xəmirdən xırda kündə tutub yastılayın, ortasına həmin gavalını qoyun. Sonra xəmirin qıraqlarını örtüb qoz boyda kürəcik düzəldin.
Sininin içinə perqament döşəyin, ya da yağlayın, kürəcikləri düzün. 180 dərəcə qızdırılmış sobada 20 dəqiqə bişirin.
Hazır peçenyeni şokolada batıra bilərsiniz. Yaxud da üzərini ballı-qozlu qlazurla örtə bilərsiniz. Bunun üçün 5-7 x.q. balı qızdırın. 70-100 q qozu xırda doğrayın. Peçenyeni isti bala, sonra isə qoza batırın.


Nuş olsun!

---

Etiketlər: qoyun, içinə, əlavə, dəqiqə, bilərsiniz, xırda, qarışdırın, Sonra, qızdırın, şəkər, qabartma, dərəcə, qızdırılmış, kürəcikləri, düzün, döşəyin, boyda, örtüb, qıraqlarını, kürəcik