Tərkibi:
2 stəkan + 1/4 (stəkanın dörddə bir hissəsi) stəkan un
1 çay qaşığı soda
1/4 çay qaşığı duz
1 stəkan qəhvəyi şəkər tozu
3/4 stəkan ağ şəkər tozu
110 qram kərə yağı – otaq hərarətində yumuşaldılmış
1 çay qaşığı vanil ekstraktı
2 iri yumurtanın ağı
3/4 stəkan yarışirin damla şokoladı (damla şokoladınız yoxdursa plitka şokoladı xırda-xırda doğrayın)

Hazırlanması:
Sobanı 180Cdək qızdırın.
Bir qabda un, soda də duzu qarışdırın.
Başqa qabda şəkərlər və yağı mikserlə orta surətlə ərzaqlar qarışıana qədər çalın. Vanil ekstraktı və yumurtaları əlavə edib, 1 dəqiqə daha çalın. Unlu qarışıq və şokoladı əlavə edib, ərzaqlar qarışanadək yenə çalın.
Alınan xəmirdən hər dəfə xörək qaşığı qədər götürərək, üstü az yağlanmış listə 5 sm aralığında xəmir topaları yerləşdirin. Qurabiyələrə əlinizlə səliqə forma verməyə gərək yoxdur. Sobada yayılacaq, formalarını alacaqlar. Qurabiyələri sobanın orta təbəqəsində 10-12 dəqiqə ərzində və yaxud üstləri lap az qızarana qədər bişirin. Diqqətli olun ki, qurabiyələr çox qızarmasınlar, yoxsa bərk olarlar. Qurabiyələr sobadan çıxdıqdan sonra, listdə 2 dəqiqə qalmalı, sonra oradan çıxarılmalıdırlar.

Nuş olsun!

---

Etiketlər: qurabiyələrə, stəkan, qaşığı, şokoladı, çalın, dəqiqə, qədər, damla, ərzaqlar, şəkər, qabda, xırda, ekstraktı, qurabiyələr, sonra, əlavə, Qurabiyələr, xəmirdən, səliqə, xörək, Formaları