Tərkibi:100 q çiyələk
1 yumurta
3 x.q. şəkər tozu
15 q kərə yağı
130 q kəsmik
80 q un
20 q narın suxarı
20 q kokos yonqarı
Hazırlanması:Yumurtanı şəkər tozu ilə möhkəm çalın.
Yağı yumşaldın, kəsmiyi ələkdən keçirin, unu ələyin. Yumurta ilə şəkəri çala-çala kərə yağı, kəsmik, sonra da unu ardıcıllıqla əlavə edin. Yumşaq xəmir yoğurun.
Çiyələyi yuyun, saplağını təmizləyin, qurudun.
Xəmirdən xırda hissələr qopararaq yayın, ortasına bütöv çiyələk qoyun.
Kənarlarını qatlayıb kürə halına salın. Çox böyük olmasınlar. Bunları qaynayan suya salın, üzə çıxandan sonra 3 dəqiqə bişirin. Kəfkirlə çıxarın. Bir qədər soyudun.
Hər bir kürəni narın suxarıya, sonra isə kokos yonqarına batırın. Soyuducuda bir neçə saat saxlayın.
(Çiyələk əvəzinə başqa giləmeyvə: böyürtkən, moruq və s. götürmək olar. Giləmeyvələr turşdursa, şəkər tozunu bir qədər artıq götürün).
Nuş olsun!
Etiketlər: şəkər, sonra, kokos, qədər, narın, salın, çiyələk, kəsmik, çıxarın, Kəfkirlə, kürəni, suxarıya, bişirin, soyudun, Bunları, böyük, halına, olmasınlar, yonqarına, çıxandan