Qışın ilk ayının boz günündə yayı xatırladan qızılgülə bənzəyən qurabiyə bişirək. Sanki üzərinə də qar yağsın. Axı bizdə qarın həsrətində olanlar çoxdur…
Tərkibi:250 q kəsmik
2 yumurta
70 q şəkər tozu
200 q marqarin
2 st. un
0,5 ç.q. soda
1 ç.q. sirkə
5 q vanilli şəkər
4 x.q. üyüdülmüş qoz
2 x.q. şəkər pudrası
1 çimdik duz
Hazırlanması:Yumurtaların ağını sarısından ayırın, yumurta ağlarını soyuducuya qoyun.
1 st. unu kəsmiklə ovun.
Soyudulmuş marqarini bu ovuntuğun üstünə sürtgəcdən keçirin. Unun ikinci stəkanını, yumurta sarılarını, 1 çimdik duz, sirkədə söndürülmüş sodanı əlavə edin.
Əlüstü xəmir yoğurun, yəni çox yoğurmağa gərək yoxdur ("Napoleon" xəmiri kimi), qida plyonkasına büküb soyuducuda 30 dəqiqə saxlayın.
Soyumuş yumurta ağını möhkəm çalın, sonda şəkər tozu və vanilli şəkər əlavə edib çalın.
Xəmiri 5 mm qalınlıqda yayın. Çalınmış yumurta ağını üstünə çəkin, üyüdülmüş qoz səpin.
Rulet kimi bükün. Kənarlarını bərkidin. Ruleti 1,5 sm qalınlıqda dilimləyin.
Perqament döşənmiş siniyə bir-birindən ən azı 3 sm aralı olmaqla düzün. Bişəndə böyüyəcəklər.
180 dərəcə qızdırılmış sobada 25 dəqiqə bişirin.
Hazır peçenyeləri qaba yığıb üzərinə şəkər pudrası səpin.
Nuş olsun!
Etiketlər: şəkər, yumurta, ağını, pudrası, üyüdülmüş, vanilli, çimdik, üstünə, səpin, qalınlıqda, çalın, dəqiqə, əlavə, üzərinə, yayın, günündə, Xəmiri, Çalınmış, ayının, Kənarlarını