Tərkibi:
Xəmir (1 korj üçün):2 yumurta
100 q şəkər tozu
1 st. xama
3 x.q. kakao
1 paket qabartma tozu
300 q un (2 yarımçıq stəkan)
Yağlı-südlü krem üçün:1 banka qaynadılmış qatılaşdırılmış süd
250 q kərə yağı
200 q araxis
Pudinqli krem üçün:2 x.q. vanilli pudinq (toz)
150 q şəkər tozu
2 st. süd
250 q kərə yağı
Şokoladlı qlazur üçün:150 q şokolad
50 q kərə yağı
50 ml qaymaq
Hazırlanması:
1. Yumurtanı şəkər tozu ilə çalın, xama, un, qabartma tozu, kakao əlavə edib qarışdırın. Ayrı-ayrılıqda 2 korj bişirin (200 dərəcə qızdırılmış sobada, hazır olanadək).
Soyudun.
2. Otaq temperaturunda olan kərə yağını çalıb qaşıq-qaşıq qatılaşdırılmış süd əlavə edin (bu arada çalmağa davam edin). Araxisi qovurun, azca xırdalayın, kremlə qarışdırın.
3. Südü qazana tökün, qaynadın. 50 ml soyuq südə 2 x.q. vanilli pudinq və 100 q şəkər tozu əlavə edin, qarışdırın. Bunu qaynayan südə nazik axınla daim südü qarışdıraraq əlavə edin. Vam odda 5 dəqiqə, qatılaşanacan bişirin. Soyudun.
Otaq temperaturunda olan kərə yağını çalın və qaşıq-qaşıq soyumuş pudinq əlavə edin. Əsas odur ki, həm yağ, həm də pudinq eyni temperaturda olsun. Yoxsa krem alınmaz.
4.Şərbət hazırlayıb şokolad dadı verən esensiya qatın, korjların üstünə çəkin. Birinci korjun üstünə pudinqli kremdən (3-cü punkt) çəkin. (Yarısını o biri korj və kənarları üçün saxlayın). 15 dəqiqə soyuducuda saxlayın.
5. Soyuducudan çıxarıb yağlı kremi tamamilə çəkin (2-ci punktdakı).
6. İkinci korju götürüb pudinqli (3-cü punktdakı) kremi üstünə çəkin və kremli tərəfi üzüaşağı olmaqla tortun üstünə qoyun (belə alınır: korj+pudinqli krem+yağlı krem+pudinqli krem+korj).
7. Tortun hər tərəfinə pudinqli kremdən çəkin. Soyuducuya qoyun ki, krem soyusun. Bu müddətdə şokoladlı qlazur hazırlayın: 150 q şokolad, 50 q kərə yağı və 50 ml qaymağı vam odda əridib eynicinsli kütlə alınanadək qarışdırın. Sonra otaq temperaturunadək soyudun.
8.Tortu soyuducudan çıxarın. Üzərinə qlazur çəkib xırdalanmış araxis səpin.
Nuş olsun!
Etiketlər: əlavə, pudinqli, çəkin, pudinq, qaşıq, qarışdırın, şəkər, üstünə, qlazur, şokolad, punktdakı, yağını, temperaturunda, çalın, kremi, yağlı, Soyudun, bişirin, dəqiqə, olsun