• Tiramisu resepti

Reseptin məlumatları Baxış sayı: 23 112

Tarix : 5-11-2015, 15:00

Bölmə : Şirniyyatlar / Tort reseptləri

Mətbəx : İtalyan mətbəxi

Hazırlanma vaxtı : 30-40

Nəfər sayı : 8-10


Tərkibi:
4 yumurta
100 q şəkər tozu
500 q maskarpone pendiri
250 q savoyardi (təxminən 34 ədəd)
350 ml qəhvə (əriyən və ya bişirilmiş)
kakao
2-3 x.q. şərab (“Marsala”, yaxud rom, likör, brendi, konyak – istəyə görə)

Hazırlanması:
Krem üçün:
Yumurtanın ağını sarısından ayırın. Yumurta sarısını şəkər tozu ilə çalın. Maskarpone əlavə edib qaşıqla qarışdırın. Yumurtanın ağını qatı köpük alınana qədər çalın. Bunu yumurta sarısına əlavə edib səliqəylə qarışdırın.

Savoyardiləri soyuq qəhvəyə batırın. Bunu çox cəld etmək lazımdır ki, peçenyelər çox islanmasın. Qəhvəni istəyinizə görə hazırlaya bilərsiniz, məsələn, 350 ml suya 4 ç.q. qəhvə tökə bilərsiniz. İstəyə görə qəhvəyə şərab, rom, likör, brendi və ya konyak əlavə edə bilərsiniz.

Qəhvədə isladılmış savoyardiləri siniyə yaxın-yaxın düzün. Üzərinə bərabər qaydada krem çəkin. Yenə qəhvəyə batırılmış savoyardi döşəyib kremin qalanını üzərinə çəkin. 5-6 saat soyuducuda saxlayın.

Süfrəyə verərkən üzərinə kakao ələyin. Çox iti bıçaqla ehtiyatla kəsin.

Nuş olsun!
Etiketlər: əlavə, bilərsiniz, qəhvəyə, Yumurtanın, yumurta, konyak, ağını, yaxın, qarışdırın, çəkin, çalın, brendi, üzərinə, likör, qəhvə, savoyardi, kakao, şəkər, şərab, məsələn
BİZİ İZLƏYİN