• Qırmızı məxmər tortu resepti

Reseptin məlumatları Baxış sayı: 20 327

Tarix : 17-10-2016, 20:00

Bölmə : Şirniyyatlar / Tort reseptləri

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
Xəmir üçün:
Duz - 0.5 ç.q.
Un (buğda) - 250 qr.
Yumurta (toyuq) - 2 ədəd
Yağ (kərə) - 120 qr.
Vanilin - 0.5 ç.q.
Toz (qabartma) - 1 ç.q.
Toz (kakao) - 1 x.q.
Şəkər tozu - 300 qr.
Soda - 1 ç.q.
Kefir - 1.5 st.
Qida rəngi - 10 qr.
Sirkə (alma) - 1 ç.q.

Krem üçün:
Pendir (krem) - 400 qr.
Yağ (kərə) otaq tempraturunda - 200 qr.
Vanilin - 0.5 qr.
Kirşan (şəkər) - 250 qr.

Hazırlanması:
- Bir qabda ələnmiş unu, kakao, qabartma tozu və duzu qarışdırın.
- Kərə yağını mikser ilə 2 dəqiqə çalın, üzərinə şəkər tozu əlavə edin və yenə çalın.
- Başqa bir qabda yumurtaları vanil və rəngləndiricini qataraq çalın.
- Qabdakı unlu qarışıqla çaldığınız şəkərli yağı yaxşıca qarışdırın. 1.5 stəkan qatığa (kefir) 1 x.q. alma sirkəsi əlavə edin və 10 dəqiqə gözləyin. Daha sonra bu qarışığı da unun üzərinə əlavə edin.
- Daha sonra yumurtalı qarışığı və alma sirkəsi ilə söndürülmüş sodanı əlavə edin.
- Yaxşıca qarışdırın. Əgər rəngləndiricinin az olduğunu görsəniz bu mərhələdə quru rəngləndiricini azca su ilə qarışdıraraq əlavə edə bilərsiniz.
- Bişirəcəyinin formanın dibinə qida kağızı sərin,üzərini yağlayın.
- Xəmirin yarısını formaya tökün. Formanı stol səthindən bir az yuxarıya qaldırıb yavaşca stolun səthinə 2-3 dəfə çırpmaq lazımdır ki, xəmirin içərisindəki qabarcıqlar çıxsın. SOBAya qoyun, 30 dəqiqə 180º C istilikdə bişirin. Bu müddət keçdikdən sonra kürdanla bişib-bişmədiyini yoxlaya bilərsiniz. Ümumi bir biskvit kimi bişirib daha sonra onu bölə də bilərsiniz.
- Krem pendir və yağı (otaq temperaturunda) eynicinsli kütlə halına gələnə qədər çalın. Üzərinə şəkər kirşanını, vanili əlavə edib şişənə qədər çalın. Krem qatı olmalıdır. Soyuducuya qoyaraq 1.5-2 saat saxlayın. Daha yaxşı olar ki, kremi biskvitdən əvvəl hazır edəsiniz.
- Hazır biskviti qoyun soyusun. Soyuduqdan sonra o kipləşəcək və beləliklə onu daha yaxşı bölmək olacaq. Xəmirin ikinci hissəsini də eyni qayda ilə formaya tökərək SOBAda bişirin.
- Hər bir biskviti iki hissəyə ayıraraq 4 və ya bölmədən 2 korj kimi də istifadə edə bilərsiniz. Korjların arasına təqribən 1 sm hündürlüyündə, korjları bir-birindən yaxşı ayıracaq qədər krem çəkin.
- Həmçinin tortun bütün səthini də kremləyin. Bişdikdən sonra biskvitin kənarlarını və ya bir hissəsini xırdalayaraq ovuntu edib bəzəmək üçün istifadə edə bilərsiniz. Bəzəmək sizin öz fantaziyanızdan asılıdır.

Belə dadlı hazırlanmış yeməkdən sonra çoxlu çirkli yuyulmalı qab qalacaq. Narahat olmayın, Fairy ilə ən yağlı qabların öhtəsindən belə rahatlıqla gələ biləcəksiniz. – Dadlı.az tövsiyə edir!

http://keyfiyyetserfelidir.az/#promo2

Nuş olsun!
Etiketlər: sonra, əlavə, çalın, bilərsiniz, dəqiqə, qarışdırın, qədər, yaxşı, şəkər, qarışığı, üzərinə, rəngləndiricini, formaya, istifadə, sirkəsi, Xəmirin, hissəsini, kakao, qabartma, Vanilin
BİZİ İZLƏYİN