• Tatar şorbası resepti

Reseptin məlumatları Baxış sayı: 13 809

Tarix : 7-08-2014, 21:28

Bölmə : Şorbalar

Mətbəx : Asiya mətbəxi

Hazırlanma vaxtı : Yox

Nəfər sayı : 2-4


Tərkibi:
4 x.q. marqarin
1 x.q. tomat pastası
2 x.q. un
1 x.q. nanə qurusu
2 x.q. qatıq
8 su st. toyuq bulyonu
duz
qara istiot

Mantı:
1 su st. un
1 yumurta
aldığı qədər su
100 q quzu qiyməsi
1,5 x.q. sürtgəcdən keçirilmiş soğan
3-4 budaq xırda doğranmış cəfəri
duz
qara istiot

Hazırlanması:
Mantı üçün: bir qaba un qoyub üzərinə yumurta və duz əlavə edin, az-az su əlavə edib bir qədər bərk xəmir yoğurun. Üzərinə nəm dəsmal çəkib bir müddət saxlayın.

Bir qabda qiymə, sürtgəcdən keçirilmiş soğan, xırda doğranmış cəfəri, duz və qara istiotu qarışdırın.

Xəmiri yayın. Qiymədən bərabər məsafədə ara qoymaqla üzərinə düzün. Digər yuxanı üzərinə örtüb xırda kvadratlar kəsin.

Mantıları duzlu suda bişirin.

Marqarini tavada əridin, üzərinə unu əlavə edin, rəngi dəyişənədək qovurun, tomat pastasını əlavə edib qarışdırın, bulyon tökün. Nanə, duz, istiot vurub qaynadın.

Qatığı su ilə çalın, qazana əlavə edin. Ən sonda mantıları əlavə edib bir-iki buğum qaynadıqdan sonra ocaqdan götürün.

Nuş olsun!
Etiketlər: əlavə, üzərinə, xırda, istiot, sürtgəcdən, keçirilmiş, doğranmış, cəfəri, qədər, soğan, qarışdırın, tomat, yumurta, Mantı, rəngi, örtüb, qovurun, pastasını, əridin, dəyişənədək
BİZİ İZLƏYİN