Tərkibi:
Yarım kq dana qarnı,
(dana qarnı daha dadlı olur).
1 ədəd quru soğan,
3 diş sarımsaq,
2 şorba qaşığı kərə yağı,
Yarım şorba qaşığı tomat,
1 ədət limon suyu ( limon istifadə edilincə ağır iyi olmur, yeyəndə də iyini hiss etmək olmur ),
Duz ,
pul bibər,

Hazırlanması:
Əvvəlcə qarını təmizləmək lazımdır.
Təmizlədiyiniz qarını suyun altında bir neçə dəfə təniz-təmiz yuyun.
Sonra təmiz qarının üzərinə qaynar su töküb dincə qoyun.
Qarını rahat təmizləmək üçün parçalara ayırıb təmizləyin.
İsti suyun içərisinə qoyduğunuz qarını mətbəx taxtasının üzərinə qoyub bıçaq yardımı ilə sıyırın ki üzərində olanlar təmizlənsin.
Təmiz qarınları yaxşıca yuyub bişirmək üçün doğrayın.
Təmizlədiyiniz qarınları lap sonda bol limonlu duzlu suda təkrar-təkrar yuyun.
qazanda tamamən bişənə qədər qaynadın.
Qarınları kvadrat şəklində doğrasanız daha yaxşı olardı.
Kərə yağını əridin.
Soğanı və sarımsaqları soyub yuyun.
Soyulmuş soğan və sarımsaqları kiçik-kiçik doğrayın.
Ərinmiş kərə yağına əlavə edin.
Soğanlar bir azca qovrulandan sonra tomat, duz, pul bibəri əlavə edib qarışdırın və qarınin üzərinə əlavə edin.
Bunları qatdıqdan sonra 2 dəqiqə bişirin.
Sonra qarının üzərinə su əlavə edin.
Su mütləq isti olmalıdır.
Soyuq su əlavə ediləndə xörəyin dadı azalır.
Suyu əlavə edib qaynamağa qoyun.
Hazır xörəyin üzərinə limon suyu sıxın.
Ancaq yadda saxlayın ki, yeməyi vam odda bişirmək lazımdır.
Xörək tamamən bişdikdən sonra servisə hazırdır .
İsti-isti servis edin.

Nuş olsun!

---

Etiketlər: əlavə, üzərinə, yuyun, limon, qarını, sonra, qarının, suyun, Sonra, təmiz, qoyun, doğrayın, sarımsaqları, kiçik, xörəyin, tamamən, təkrar, Yarım, Təmizlədiyiniz, qarınları