Tərkibi:
1,5 kiloqram ət,
1,5 litr ət bulyonu ,
300 q bişmiş lobya,
300 qram baş soğan,
duz (zövqə görə),
qara istiot (zövqə görə)

Xəmir üçün:
2 stəkan un,
1 ədəd yumurta,
alacağı qədər su,
duz,

Sos üçün:
2 diş sarımsaq,
100 qram sirkə,

Hazırlanması:
Küftənin hazırlanması:
Xörəyi hazırlamaq üçün əvvəlcə soğanı sürtgəcdən keçirin.
Ət doğranılır, qiymə maşınından keçirilir və qiymə hazırlanır
Sürtkəcdən keçirilən soğanı duz və istiotla birgə çəkilmiş ətə əlavə edib qarışdırılır. Qiymədən kiçik ölçülü küftəciklər hazırlanır.
Bundan sonra bir qazanda su qaynadılır.
Qazandakı su qaynamağa başlayanda buraya duz əlavə edilir. Hazırlanan küftəciklər qaynayan suya əlavə edilir və qarışdırın.
Küftələr qaynamağa başladıqdan sonra yeməyin üzərinə yığılmış köpük yığılır və sonra küftələrin tam bişməsi gözlənilir.
Küftələrin bişməsi təqribən 30 dəqiqəyə başa gəlir.

Əriştənin hazırlanması:
Küftələr qaynayarkən xəmiraşı üçün əriştə hazırlanır.
Xəmiraşı əriştəsi hazırlamaq üçün una yumurta, duz və su əlavə edilir. Bunlardan normal qaydada xəmir hazırlanır, yoğrulur.
Hazır xəmirdən kiçik kündələr ayrılır. Bu kündələrdən nazik yuxa yayılır.
Hazır yuxalar çox miqdarda unla ovxalanır və oxlova bükülür. Unun çox olması yuxaların yapışmasının qarşısını alır.
Oxlovu bükülmüş yuxanın içindən çıxarıb iti bıçaq vasitəsilə nazik əriştə kəsilir.

Xörəyin bişirilməsi:
Lobyalar rahat bişməsi üçün əvvəlcədən qaynadılıb süzülür.
Təxminən 30 dəqiqə keçdikdən sonra küftəciklər qaynayan qazana əvvəlcədən bişirib süzdüyünüz lobyanı əlavə edirik.
Sonra xəmiraşını qarışdıra-qarışdıra kəsdiyiniz əriştələri də qazana əlavə edirik. Xörək təqribən 15-20 dəqiqə ocaqda qaynayır.
Bu əsnada xəmiraşı bişməyə yaxın keşniş və ya zövqünüzə uyğun digər göyərtilər kiçik ölçüdə doğranılır və xörəyə əlavə edilir.
Aşa zövqə görə duz və istiot əlavə edilir və qarışdırılır.

Nuş olsun!

---

Etiketlər: əlavə, edilir, hazırlanır, sonra, bişməsi, küftəciklər, kiçik, hazırlamaq, Xəmiraşı, lazım, edirik, qaynayan, qiymə, qarışdıra, doğranılır, qazana, dəqiqə, qaynamağa, Küftələr, əvvəlcədən