Tərkibi:
karpın (sazan, çəki balığı) hissələri - başı, quryuğu və digər
2 ədəd baş soğan
3 ədəd kök
4 ədəd kartof
5-8 ədəd cəfəri kökü
3-4 ədəd dəfnə yarpağı
5-8 ədəd qara istiot
limon
3 x/q darı yarması
100-150 qr cəfəri
100-150 qr şüyüd

Hazırlanması:
Bu reseptdə uxa karp (sazan, çəki) balığı və darı yarması ilə hazırlanır, lakin onun əvəzində siz düyüdəndə istifadə edə bilərsiniz. Olduqca dadlı olan uxa şorbası qədim rus mətbəxinin yeməklərindəndir.

1. İlk olaraq ərzaqlar hazırlanır.

2. Karp balığının başı və digər hissələri qazana yığılıb, yanına qabıqdan təmizlənmiş baş soğan, kök, yuyulmuş cəfəri kökləri əlavə edilib və su ilə doldurulub qaynayana qədər bərk oda qoyulur. Su qaynadıqda, qazın odunu azaldıb, qazanın üzərində yaranmış köpüklər təmizlənir. Balığa ədviyyatlar əlavə edilir: duz, dəfnə yarpağı və qara istiot. Əlavə olaraq, balığın qoxusunu azaltmaq üçün, bir neçə dilim limon əlavə edilir.

3. Balıq bulyonu hazır olana qədər, 20-30 dəqiqə bişirilir. Balıq bişdikdə, qazandan ehtiyyatla çıxarılıb boşqaba yerləşdirilir.

4. Balıq bulyonu süzgəcdən keçirilərək təzə qazana əlavə edilir. Soğan, kök və cəfəri kökü artıq lazım olmadığı üçün atılır.

5. Şorbanın əvvəlcədən doğranmış inqredientləri - kartof, kök və soğan bulyonlu su qaynadıqa qazana əlavə edilir.

6. Uxa şorbasının hissələri bişənə qədər, balıqla məşğul olmaq olar: balığın sümüklərini ayırmaq, baş hissəsini parçalayaraq əti ayırmaq.

7. Bulyondaki kartof 20-30 dəqiqəyə bişəndən sonra, qazana yuyulmuş və təmizlənmiş darı yarması əlavə edilir.

8. Hazır olana qədər, 15-20 dəqiqə bişirilir. Hazır olduqda, odu söndürüb üzərinə xırda doğranmış göyəri əlavə edilir.

9. Süfrəni hazırlana qədər və çörək doğrana qədər uxa şorbası birazda özünü tutar.

10. Boşqaba şorbadan töküb, üzərinə balıq ətindən qoyulur.



Nuş olsun!

---

Etiketlər: əlavə, qədər, edilir, qazana, cəfəri, kartof, hissələri, soğan, Balıq, yarması, hazırlanır, bulyonu, ayırmaq, yuyulmuş, olaraq, doğranmış, Hazır, şorbası, üzərinə, təmizlənmiş