Tərkibi:
400 q təzə və ya dondurulmuş ispanaq
5 yumurta
3 x.q. un
200 q qaymaqlı pendir
1 ç.q. qabartma tozu
3 diş sarımsaq
80 q parmezan pendiri
12 günəşdə qurudulmuş pomidor
duz
kəklikotu

Hazırlanması:
Sobanı 180 dərəcə qızdırın.

Qaynayan suya az-az ispanaq qoyub 2 dəqiqə bişirin. Kəfkirlə çıxarıb bir qaba yığıb soyudun. Sonra bıçaqla xırdalayın.

Yumurtaların ağını sarısından ayırın.

Yumurta sarısını 50 q qaymaqlı pendir, un, duz, qabartma tozu və soyuyub doğranmış ispanaqla yaxşıca qarışdırın. Yumurta ağlarını da əlavə edib yenə qarışdırın.

Alınan ispanaqlı qarışığı perqament döşənmiş formaya tökün, hamarlayın. Nazik qat alınacaq.

4-7 dəqiqə bişirin.

İç:
Qalan qaymaqlı pendiri 50 q parmezan, kəklikotu və xırda doğranmış sarımsaq ilə qarışdırın. Əgər kəklikotu təzədirsə, onu çox xırda doğrayın.

Günəşdə qurudulmuş pomidorları saman kimi doğrayın.

Masanın üstünə folqa salın. İspanaqlı korju elə perqamentlə birlikdə üzərinə qoyun. Üzərinə iç çəkin. Pomidorları bərabər qaydada düzün. Perqamenti aralayaraq səliqə ilə rulet kimi bükün.

Roll soyuyandan sonra folqanı da üstünə bükün, soyuducuda 10-12 saat saxlayın.

Süfrəyə verərkən üzərinə parmezan səpin.

Nuş olsun!

---

Etiketlər: kəklikotu, parmezan, qaymaqlı, qarışdırın, bişirin, doğranmış, üstünə, üzərinə, bükün, dəqiqə, qurudulmuş, ispanaq, qabartma, Yumurta, sarımsaq, xırda, doğrayın, pendiri, pendir, perqamentlə